Радиостудия Sputnik Кыргызстан в Бишкеке - Sputnik Кыргызстан, 1920
Радио

Давлетов: мыйзамга ылайык товардын курамы толук көрсөтүлүшү керек

© Sputnik / Табылды КадырбековТамак-аш коопсуздугу боюнча көз карандысыз эксперт Алмаз Давлетов. Архив
Тамак-аш коопсуздугу боюнча көз карандысыз эксперт Алмаз Давлетов. Архив - Sputnik Кыргызстан, 1920, 19.12.2021
Жазылуу
Yandex newsTelegram
Тамак-аш коопсуздугу боюнча көз карандысыз эксперт Алмаз Давлетов товардын курамына кирген бардык заттар анын этикеткасында көрсөтүлүшү зарылдыгын айтты.
Давлетов: мыйзамга ылайык товардын курамы толук көрсөтүлүшү керек
Мыйзам боюнча, товардын аталышы этикеткасында эки миллиметрден кичине эмес, ал эми курамы жазылган тизменин тамгалары 0,8 миллиметрден чоңураак жазылышы шарт. Бул тууралуу Алмаз Давлетов Sputnik Кыргызстан радиосунда маек куруп жатып билдирди.
Анын айтымында, тизмеде биринчи көрсөтүлгөн зат ошол азык-түлүктө же товарда эң көп өлчөмдү түзөт.
"Күндөлүк керектелүүчү товарлардын этикеткасына анын курамын жазуу боюнча өзүнчө эрежелер мыйзам менен бекитилген. Анын биринчи эле талабы курамына кирген бардык заттар көрсөтүлүшү шарт. Алгач эң көп өлчөмдөгүлөр, андан соң улам аз кошулгандары тизмени толуктайт. Соңку 4-5 заттын иреттүүлүк эрежеси сакталбаса деле боло берет. Мындан сырткары, анын аталышы эки миллиметрден кем эмес көлөмдө көрүнүктүү болуп жазылышы талап кылынат. Бул милдеттүү түрдө көрсөтүлө турган эрежелер. Мындан сырткары, ыктыярдуу негизде кардарга маалымат берүү да каралган. Анын алкагында өндүрүүчүлөр көбүнесе "органикалык зат" же "халал" деген белгилерин артыкчылык катары көрсөткөнгө далалаттанышат. Мындай учурда аны бөлүп алып, кооздоп этикеткага жазууга тыюу салынбайт, бирок өндүрүш текшерилген учурда тиешелүү документтери болушу керек", — деди Давлетов.
Ал азырынча дүйнө жүзү боюнча күндөлүк керектелүүчү товарларга маалыматты кантип кыска-нуска жеткирүү тартиби иштелип чыга электигин кошумчалады.
Жаңылыктар түрмөгү
0