Мэр, айыл өкмөт башчы болом дегендерге конкурс жарыяланды. Шарт-талабы

© Sputnik / Табылды КадырбековНазначение и увольнение чиновников
Назначение и увольнение чиновников - Sputnik Кыргызстан, 1920, 14.12.2021
Жазылуу
Yandex newsTelegram
Резервге киргизүү үчүн документтерди кароо, мыйзамдарды билүүгө компьютердик тестирлөө жана аңгемелешүү этаптарынан өтүү шарт.
БИШКЕК, 14-дек. — Sputnik. Райондук маанидеги шаарлардын мэри жана айыл өкмөт башчыларынын кызмат орундарына дайындоого ылайыкталган муниципалдык кадрлар резервине киргизүү үчүн конкурс жарыяланды. Бул туурасында Мамлекеттик кызмат жана жергиликтүү өз алдынча башкаруу иштери боюнча мамлекеттик агенттик маалымдады.
Белгилей кетсек, октябрь айында кабыл алынган "Жергиликтүү мамлекеттик администрация жана жергиликтүү өз алдынча башкаруу жөнүндө" мыйзамга ылайык, акимдерге өз районунун карамагындагы шаарлардын мэрин жана айыл өкмөт башчыларды дайындоо укугу берилген
Кол коюп жаткан аткаминер. Архив - Sputnik Кыргызстан, 1920, 07.12.2021
Ректорлорду дагы президент дайындайт. Жаңы мыйзам долбоору сунушталды
Талапкерлер кадрлар резервинен тандалып алынышы керек. Мындан улам мэрлердин, анын орун басарларынын жана айыл өкмөт башчысынын бош кызмат орундарын ээлөөгө кадрларды даярдоо үчүн Муниципалдык резерв түзүлгөн. Максаты эң квалификациялуу жана келечектүү башкаруучу кадрлар менен өз убагында алмаштыруу болуп саналат.
Аталган резервге киргизүү үчүн документтерди кароо, Кыргыз Республикасынын мыйзамдарын билүүгө компьютердик тестирлөө жана аңгемелешүү этаптарынан өтүү шарт.
Мэр жана айыл өкмөт башчысы болууну каалагандардан жогорку билим, мамлекеттик жана/же муниципалдык кызматтагы стажы 5 жылдан кем эмес, анын ичинде жетектөөчү кызматта 3 жылдык иш стажы талап кылынат. Ошондой эле башка чөйрөдө жетектөөчү кызматта 5 жылдан кем эмес эмгектенген болушу керек. Ал эми вице-мэр болчуларга мамлекеттик жана/же муниципалдык кызматта 3 жылдан кем эмес стаж керектелет.
Документтерди тапшыруу мөөнөтү 24-декабрда аяктайт.
Конкурс тууралуу толук маалымат Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин сайтына жарыяланган.
Жаңылыктар түрмөгү
0