Исаков: мамлекет башындагылар "Манас" эпосунан сабак алышы керек
14:24 13.12.2021 (Жаңыртылды: 14:27 14.12.2021)
Жазылуу
Манасчы Рысбай Исаков бардык президенттердин учурунда эпоско тийиштүү жакшы иштер болуп келгенине карабастан ага каршы күчтөр дагы болуп жатканын белгиледи.
Балдарыбыз "жони-жони" деген анимациялык мультфильмдерди көрүп чоңоюуда. Ошондуктан "Манас" эпосу тууралуу анимацияларды тартууну эртелетүү зарыл. Мындай пикирин Рысбай Исаков Sputnik Кыргызстан радиосунда маек куруп жатып билдирди.
Исаков: мамлекет башындагылар "Манас" эпосунан сабак алышы керек
Анын айтымында, аталган эпос мамлекеттик идеологиянын өзөгү.
"Манаска" болгон мамиле жакшы эле жолдо келе жатат. Алгач Аскар Акаевдин тушунда 1000 жылдыгы өтүп, Роза Отунбаеванын учурунда мыйзам кабыл алынды. Алмазбек Атамбаевдин тушунда эстеликтер тургузулса, Сооронбай Жээнбековдун кезинде академия түзүлдү. Ал эми Садыр Жапаровдун убагында театр ачылууда. Ошол эле учурда "Манас" эпосуна каршы күчтөр дагы аракетте болуп келүүдө. Мисалы, манасчылар, ошол кездеги мамлекеттик катчы каршы пикирин билдиргенине карабастан Манастын тасмасын тартабыз дегендер чыгышты. Кайсы күчтөргө таянып бул иштерди жасап жаткандары белгисиз. Мындай жагдайлар болбош үчүн Манас нарк-насил, адабияттын багыты эле эмес, мамлекеттик идеологиянын өзөгү экенин аңдашыбыз керек. Анда мамлекеттик башкаруунун сабактары жатканын моюнга алышыбыз шарт. Биринчи кезекте бийликтегилер сабак алууну, таасирленүүнү өздөрүнөн башташы зарыл. Мисалы, бала бакчадан баштап, бардык тармакта Манас сабагын өтүүнү тездетүү керек. Учурда балдарыбыз "жони-жони" деген анимациялык мультфильмдерди көрүп чоңоюуда. Ошондуктан "Манас" эпосу тууралуу анимацияларды тартууну эртелетүү зарыл. Бул мамлекеттик деңгээлде колго алынбаса, жеке адамдардын колунан келчү иш эмес", — деди Исаков.
Ошондой эле ал "Манас" эпосун эмес эпостун өзү тууралуу анимациялык тасмаларды тартуу зарылдыгын кошумчалады.
Подкасттын толук вариантын видеодон көрүңүз:
