АКШда бороон-чапкын 80дей кишинин өмүрүн алды. Катуу шамалдын видеосу

© REUTERS / Cheney OrrПоследствия разрушительного торнадо в нескольких штатах США
Последствия разрушительного торнадо в нескольких штатах США - Sputnik Кыргызстан, 1920, 12.12.2021
Жазылуу
Жаратылыш кырсыгынан каза болгондор бир нече аймакта катталган. Иллинойс штатындагы Amazon компаниясынын кампасында кишилер иштеп жатканда куюн учуруп кеткен.
БИШКЕК, 12-дек. — Sputnik. Американын бир нече штатында катталган катуу шамал 80ге чукул кишинин өмүрүн алды. Бул тууралуу РИА Новостинин Telegram каналы билдирди.
Бороон-чапкын АКШнын чыгыш тарабын, анын ичинде Иллинойс, Миссури, Арканзас, Кентукки жана Теннесси штаттарын каптаган.
Жаратылыш кырсыгы Кентуккиде 70 кишинин өмүрүн алган, ошондой эле Теннессиде үч жана Иллинойсто алты адам каза тапты. ЖМКлардын жазышынча, Иллинойстогу Amazon компаниясынын кампасында кишилер иштеп жатканда куюн учуруп кеткен.
Президент Жо Байден жабыр тарткан аймактарга тиешелүү жардам берүүнү тапшырды. Өлкө башчы бул АКШ тарыхындагы оор кесепеттерге алып келген катуу шамал экенин белгилеген.
Ал арада Кентуккиде өзгөчө кырдаал жарыяланган, штаттын губернатору Энди жаратылыш апааты аймакта кеминде 100 кишинин өмүрүн алышы мүмкүндүгүн айткан.
Учурда бардык аймакта дайынсыз жоголгондор изделүүдө.
Жаңылыктар түрмөгү
0