Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Мамлекеттик 30 объектини менчиктештирүү кайсы баскычта? Маммүлктүн жообу

© Sputnik / Сергей Пятаков / Медиабанкка өтүүСудьянын балкасы. Архив
Судьянын балкасы. Архив - Sputnik Кыргызстан, 1920, 10.12.2021
Жазылуу
Алгач сатыкка 25 объектини коюу пландалган. Бирок кийин аларга бир нече компаниянын мамлекеттик пакеттеринин акциялары кошулду.
БИШКЕК, 10-дек. — Sputnik. Мамлекеттик 30 объектини менчиктештирүү пландалып жатат. Бирок азырынча бири дагы сатыла элек. Бул тууралуу Мамлекеттик мүлк фондунун төрагасы Мирлан Бакиров Sputnik Кыргызстан агенттигинин маалымат борборунда өткөн брифингде билдирди.
© Sputnik / Таалайгуль УсебаеваМамлекеттик мүлк фондунун төрагасы Мирлан Бакиров
Председатель Фонда по управлению госимуществом Мирлан Бакиров - Sputnik Кыргызстан, 1920, 14.12.2021
Мамлекеттик мүлк фондунун төрагасы Мирлан Бакиров
"Бүгүнкү күндө бир дагы объект менчиктештирилген жок. Себеби кайра баалоо иши жүргүзүлүп жатат. Приватташтыруу абдан эле узак процесс. Баалоочуларды жалдоо процедурасы көп убакытты талап кылат. Баалоо боюнча тендер үч ирет өткөрүлүп, эки жолу ишке ашпай калган", — деди Бакиров.
Ал ошондой эле 25 объект менчиктештирүү программасынын тизмесинде турганын, аларга дагы төмөнкү объектилер кошулганын белгиледи:
  • "Альфа Телеком" — акциянын 100 пайызы;
  • Кепилдик фонду — 14 пайыз;
  • "Керемет Банк" — 0,7 пайыз;
  • Евразиялык сактык банкы — 76 пайыздан ашык;
  • "Бакай Банк" — 1,4 пайыз.
Бакиров "Альфа Телеком" үчүн баалоочу табылбай койгонун белгиледи.
Жаңылыктар түрмөгү
0