Садыр Жапаров: БШК бийлик кысым кылганын айтса, отставкага кетем

© Sputnik / Игорь Егоров / Фотобанкка өтүүПрезидент Садыр Жапаров
Президент Садыр Жапаров - Sputnik Кыргызстан, 1920, 03.12.2021
Жазылуу
Шайлоонун алдын ала жыйынтыгы боюнча утулуп калган партиялар добуш берүүнүн жыйынтыгына нааразы болууда. Президент Жапаров бул жагдай боюнча маек берди.
БИШКЕК, 4-дек. — Sputnik. Эгер шайлоо учурунда бийлик тараптан кысым болгонун БШК мүчөлөрү айтып чыкса, мен дароо отставкага кетем. Бул тууралуу президент Садыр Жапаров жергиликтүү гезиттердин бирине берген маегинде айтты.
Президенттин пикиринде, "добуштар уурдалды, бюллетендер жасалды деген ойлор абсурд".
"Кыргызстан боюнча шайлоо комиссиясынын 31 миң мүчөсү бар. Элестетсеңер, 31 миң кишинин катышуусу менен түн катып бюллетендерди көтөрүп алып чуркап жүргөнүбүздү. Азыр үч киши менен кыңыр иш кылсаң дагы билинип калчу заман. Эгер бийлик тараптан кысым болсо, БКШнын мүчөлөрү ушинтип кысым болду, биз добуштарды уурдадык деп айтып чыксын. Мен отставкага кетип калайын", — деди Жапаров.
Ал эми добуш берүүнүн алдын ала жыйынтыгы боюнча беш пайыздык чектөөдөн өтпөй калган партиялардын нааразы болуп жатышына БШКнын катачылыгы себеп болгонун кошумчалады.
Выборы депутатов Жогорку Кенеша VII созыва в Бишкеке - Sputnik Кыргызстан, 1920, 29.11.2021
Түшүнүп-түшүнбөй... Бул шайлоо эмнеси менен эсти оодарды
"Бул жерде БШКнын катасы утулуп калган партиялардын чырагына май тамызып берди. Утулгандар санактар туура кетип жатканын жакшы билет. Билмексен болуп кыйкырып жатышат", — деди өлкө башчысы.
Эске салсак, 28-ноябрда Кыргызстанда парламенттик шайлоо болгон. Ошол эле күнү кечинде шайлоо тилкелери жабылгандан кийин БШКнын сайты кеминде эки жолу иштебей калды. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калды. Социалдык тармактын колдонуучулары арасында дароо нааразычылык жаралып, шайлоого катышкан төрт партия шайлоонун жыйынтыгын тааныбай турганын айтып чыкты. Учурда бюллетендер кол менен саналууда.
Жаңылыктар түрмөгү
0
Алгач жаңыларыАлгач эскилери
loader