Менин абдан чоң катам! Назарбаев мурдагы күйөө баласы тууралуу оюн айтты

© Sputnik / Рамиль Ситдиков / Фотобанкка өтүүВизит президента РФ В. Путина в Киргизию
Визит президента РФ В. Путина в Киргизию - Sputnik Кыргызстан, 1920, 02.12.2021
Жазылуу
Назарбаев белгилүү режиссёр Оливер Стоундун Qazaq: history of the golden man аттуу даректүү тасмасында Рахат Алиев менен катар дагы кимдерди жогорку кызматка даярдаганы үчүн өкүнөрүн билдирди.
БИШКЕК, 2-дек. — Sputnik. Казакстандын биринчи президенти Нурсултан Назарбаев мурдагы күйөө баласы Рахат Алиев боюнча пикирин айтты. Бул тууралуу Sputnik Казакстан агенттиги жазды. 
Мурдагы күйөө баласы, маркум Рахат Алиевдин жогорку кызматка дайындалышы чоң ката болгонун Назарбаев белгилүү режиссёр Оливер Стоундун Qazaq: history of the golden man аттуу даректүү тасмасында айтты.
"Ал финансы полициясынын башына туруп алып, кызматынан кыянаттык менен пайдаланды. Бизнести кысып, акча алып турган. Бир учурда ага токтот деп эскертүү бергем. Элестетип көрсөңөр, менин күйөө балам, үч неберемдин атасы. Мага кызым, неберелерим, күйөө баламдын атасы болуп чогулуп келишти. Ал кылмышкер болсо мен эмне кыла алмак элем деп айткам", — деди Назарбаев.
Андан соң Оливер Стоун бул тууралуу Дарига Назарбаева сүйлөшкүсү келбей койгонун айтып, элбашынын өзүнө канчалык оор болгонун сурады.
"Аябай кыйналдым. Мындай эле бирөө болсо бир жөн... Бирок ал өз киши болчу да, мен ага ишенип, таяна турган адам болчу. Дариганын башынан көп нерсе өттү, ага боорум ооруйт", — деди мурдагы президент.
Казакстан жетекчиси Касым-Жомарт Токаев жана экс-президент Нурсултан Назарбаев. Архив - Sputnik Кыргызстан, 1920, 23.11.2021
Назарбаевдин Nur Otan лидерлигин Токаевге берери айтылды
Эске салсак, Алиев мурда Назарбаевдин кызы Дариганын жолдошу болгон. 2008-жылы бийликти басып алууга аракет кылган, адам уурдаган кылмыштуу топту түзгөн деген айыптоолор менен сыртынан соттолгон. Ал кезде ал Австрияда жүргөн. 2015-жылы жергиликтүү ЖМКлар Рахат Алиев Австриядагы абактардын биринде каза болгонун жазышкан.
Ошондой эле Назарбаев Советтер Союзу урагандан кийин жаңы көз караштагылар иштесин деп чоң кызматтарга даярдаган жаштардын айрымдары коррупцияга аралашып, "далысына бычак" сайып кеткендерин эске салды. Анын ичинен мурдагы энергетика министри, коомдук ишмер Мухтар Аблязовду кызматка даярдаганына өзгөчө өкүнөрүн кошумчалады.
Жаңылыктар түрмөгү
0
Алгач жаңыларыАлгач эскилери
loader