Кыргызстандыктар жакында жабыла учкан топ жылдыздарды көрүшү мүмкүн

© Sputnik / Виталий Тимкив / Медиабанкка өтүүТоп жылдыздар. Архив
Топ жылдыздар. Архив - Sputnik Кыргызстан, 1920, 08.11.2021
Жазылуу
Агым 6-ноябрда активдеше баштаган, 30уна чейин созулат. Эң жогорку интенсивдүүлүктө саатына 15 метеориттин учуусу күтүлөт.
БИШКЕК, 8-ноя. — Sputnik. 18-ноябрга караган түнү Леонид метеориттер агымы жогорку чегине жетет. Бул туурасында Москва планетарийи жазды.
Агым 6-ноябрда активдеше баштаган, 30уна чейин созулат. Эң жогорку интенсивдүүлүктө саатына 15 метеориттин учуусу күтүлөт. Эгер асманды булут каптабай турса, кыргызстандыктар жылдыз учканын көрө алышат. Кубулушка байкоо салууга Ай тоскоол болбойт. Анткени Ай кичирейип, жаңылануу фазасына кирет.
Северное сияние в небе над Рованиеми - Sputnik Кыргызстан, 1920, 19.09.2021
Жердин үстүнөн тартылган керемет жаркырак. Астронавттын жомоктогудай видеосу
Леонид метеориттер агымы Арстан жылдызынын атынан аталган. Леониддер Күндүн тегерегинде 33 жылда бир айланган 55P/Темпель — Таттла куйруктуу жылдызынын (комета) калдыктарынан жаралган.
Агымдын кыймылы улам өзгөрүп турат. Бирок ар бир 33 жыл сайын күчөп, жылдыздуу жамгыр, нөшөр, жадагалса бороон түрүндө жерге "жаап" турат. Мисалы, 1966-жылы саатына 10 миңге чейин метеорит учканы байкалган, башкача айтканда, секундасына дээрлик 30 жылдыз учкан.
Жаңылыктар түрмөгү
0