Эргешов Зайырбек Жолчуевич — өмүр баяны
00:59 07.11.2021 (Жаңыртылды: 12:25 21.01.2022)
Жазылуу
Зайырбек Эргешов 1974-жылдын 26-августунда Ош облусунун Араван районуна караштуу Мангыт айылында туулган. Жогорку билимдүү.
Билими:
- 1996-жылы Ош мамлекеттик университетинин тарых жана укук факультетин аяктаган;
- 2013-жылы Президентке караштуу мамлекеттик башкаруу академиясында мамлекеттик саясат: иштеп чыгуу, талдоо жана баалоо адистиги боюнча магистр даражасына ээ болгон.
Эмгек жолу:
- 1996-1998 — ОшТУнун философия жана коомдук илимдер кафедрасында окутуучу;
- 1998-2006 — ОшМУнун Кыргызстан тарыхы кафедрасынын окутуучусу;
- 2003-2004 — Баткен шаарындагы "Эл аралык толеранттуулук боюнча" коомдук фондунда жана Германиянын GTZ техникалык борборунда аналитик, конфликтолог;
- 2004-2008 — "ЦИМИР" мекемесинде тренер, изилдөөчү, ошондой эле "Фергана өрөөнүндө тынчтыкты өнүктүрүү" коомдук фондунун эксперти;
- 2008-2010 — ОшМУнун Кыргызстан жана Борбордук Азия тарыхы кафедрасынын ага окутуучусу жана Тарых факультетинде декандын илимий иштер боюнча орун басары;
- 2010-2011 — КР президентинин администрациясынын этностук өнүгүү жана диний саясат бөлүмүнүн эксперти;
- 2011-2015 — КР президентинин аппаратынын этностук, диний саясат жана жарандык коом менен өз ара аракеттенүү бөлүмүнүн эксперти;
- 2015-2016 — КР президентинин аппаратынын этностук, диний саясат жана жарандык коом менен өз ара аракеттенүү бөлүмүнүн башчысынын орун басары;
- 2016 – Президенттин аппаратынын этностук, диний саясат жана жарандык коом менен өз ара аракеттенүү бөлүмүнүн башчысы;
- 2017-2020 — Дин иштери боюнча мамлекеттик комиссиясынын директору;
- 2020- 2021 — вице-премьер-министрдин кеңешчиси;
- 2020 — Конституциялык кеңешменин мүчөсү.
Мамлекеттик кызматтын 3-класстагы кеңешчиси. Үй-бүлөлүү, үч баланын атасы.
