Бишкекте убактылуу баш калкалоочу жайлар иштеп жатат. Дареги, телефондору

© Sputnik / Светлана ФедотоваПриют "Коломто" для бездомных людей в Бишкеке
Приют Коломто для бездомных людей в Бишкеке - Sputnik Кыргызстан, 1920, 04.11.2021
Жазылуу
Көчөдө калган адамдарды баш калкалоочу жайларга укук коргоо органдарынын кызматкерлерлери же Тез жардам кызматынын өкүлдөрү алып келиши керек.
БИШКЕК, 4-ноя. — Sputnik. Ордо калаада суук түшкөнүнө байланыштуу убактылуу баш калкалоочу жайлар ачылып, иштеп жатат. Бул тууралуу мэриянын маалымат кызматы кабарлады.
Билдирмеге караганда, 1-ноябрдан тарта Свердлов жана Октябрь райондорунда убактылуу баш калкалоочу жайлар ачылган. Ал жерден үйү жоктор тамак ичип, жылынып, түнөп кетери айтылды.
  • Октябрь районундагы баш калкалоочу жай Токомбаев көчөсүндөгү № 12 кичи районунда жайгашып, 80 кишиге ылайыкташылган. Телефондору: 511938, 0559180218, Сталбек Эсенкулов — Октябрь районундагы социалдык кызмат секторунун башкы адиси;
  • Свердлов районундагы баш калкалоочу жай Фере, 34А көчөсүндө жайгашып, 40 кишиге ылайыкташылган.
  • Телефондору: 360335, 0706 168877. Эркин Мамаев – Свердлов районундагы социалдык кызмат секторунун башкы адиси;
  • Биринчи Май районунда жай-кыш дебей "Коломто" уюму иштейт. Ал Жибек Жолу № 413 дарегинде жайгашып, 70 кишиге ылайыкташкан.
"Көчөдө калган адамдарды бул жайларга укук коргоо органдарынын кызматкерлери же Тез жардам кызматынын өкүлдөрү алып келиши керек. Эгер сиздер үй-жайы жокторду көрүп калсаңар, 102 (милиция) же 103 (Тез жардам) кызматтарына чалып коюңуздар", — деп жазылат маалыматта.
Кайрылган адамдарга ысык тамак берилип, коопсуздук үчүн милиция кызматкерлери нөөмөттө турары айтылды.
Жаңылыктар түрмөгү
0