РФтин башкы инфекционисти коронавирусту антибиотик менен дарылоону сындады

Дары-дармектер. Архив - Sputnik Кыргызстан, 1920, 02.11.2021
Жазылуу
Yandex newsTelegram
Адис пневмония бактериялык инфекция түрүндө болуп жатканда гана антибиотик жардам бериши мүмкүндүгүн, вирустук түрүндө олуттуу мамиле жасоо керектигин айтты.
БИШКЕК, 2-ноя. — Sputnik. Россиянын Саламаттык сактоо министрлигинин инфекциялык оорулар боюнча штаттан тышкаркы башкы адиси, профессор Владимир Чуланов коронавирусту антибиотик менен дарылагандарды сынга алды. Бул тууралуу ал "Известияга" берген маегинде билдирген.
"Пневмонияны айрым дарыгерлер амбулатордук түрдө дарылаш керек деп антибиотик жазып берип коюшат, бул такыр туура эмес. Эгерде пневмония бактериялык инфекция түрүндө болуп жатса бир жөн. Бирок бейтаптардын көбүнүн абалы оорлошуп ооруканага жатууга аргасыз болушат, ал жактан өпкөнү жасалма дем алдырган аппаратка кошулгандары бар. Ошондуктан вирустук пневмонияга же пневмонитке бактерияга каршы дары жазбаш керек", — деген Чуланов.
Ал антибиотиктердин көп колдонулушу ошол эле антибиотиктерге туруктуу штаммдардын пайда болушуна алып келерин белгиледи. Натыйжада дарыгерлерге бактериялык инфекцияларды дарылоодо кыйынчылык жаратат.
Жаңылыктар түрмөгү
0