Көз талдырат! Кыргызстандагы эң узун тоннель кантип курулууда. Видео

Жазылуу
Көк-Арт ашуусунда Кыргызстандагы эң узун тоннель курулууда. Бул Түндүк — Түштүк альтернативдик жолундагы эң кымбат долбоор. Биз курулуштун ичине кирип көрдүк.
Курулуш иштери эки тараптан тең аткарылып келе жатат. Жумушчулардын жарымы бул тараптан, жарымы аркы жагынан жол салууда. Транспорт жана коммуникациялар министрлигинин маалыматына караганда, жолдун курулушу аяктап, колдонууга берилсе түштүктөгү райондордун жашоочулары Балыкчы шаарына болгону алты саатта жетип калат.
Тоннелдин узундугу дээрлик — 3900 метр, туурасы — 10 метр, бийиктиги — 8,5 метр. Долбоордун баасы — 137 миллион доллар. Келечекте ага эч бир тыгын жаратпастан кенен-кесир эки жүк ташуучу унаа батат.
"Ар бир 300 метр сайын шахматтык тартипте бир оң тарапта, бир сол тарапта жол кеңейтилген. Авария болуп калса автоунаа ушул жерге токтоп, башка машиналарга тоскоолдук жаратпайт", — дейт "Кыргызжолтрансдолбоор" институтунун техникалык көзөмөл боюнча инженер-консультанты Элзар Эмилбеков.
Негизги тоннель менен катар эле капталында сервистик тоннель курулууда. Ал чукул кырдаалдарда жана кызмат көрсөтүүдө колдонулат.
Сонун болуптур! Кыргызстандагы эң чоң көпүрөнүн асмандан көрүнүшү - Sputnik Кыргызстан, 1920, 13.10.2021
Сонун болуптур! Кыргызстандагы эң чоң көпүрөнүн асмандан көрүнүшү
"Бардыгы айдоочулардын ыңгайы үчүн жасалган. Бийик ашуулар, өтө эңкейиш жерлер жок. Жүрүү абдан ыңгайлуу. Долбоор боюнча мында алты майда көпүрө каралган. Мурда үчөө бар болчу. Алар жаңы параметрлерге туура келтирүү үчүн кеңейтилип жасалды", — деди "Кыргызжолтрансдолбоор" ишканасынын инженери Ибрагим Өсөров.
Жол насыяга келген каражатка салынууда. Курулушка кеткен сумма 850 миллион долларды түзүп, анын арбын бөлүгүн Кытай бергени маалым. 2024-жылы колдонууга берүү пландалып жатат.
Жаңылыктар түрмөгү
0