Башкы прокуратуранын Тергөө башкармалыгына жетекчи дайындалды

© Sputnik / Жоомарт УраимовБашкы прокуратуранын имараты. Архив
Башкы прокуратуранын имараты. Архив - Sputnik Кыргызстан, 1920, 20.09.2021
Жазылуу
Жаңы кабыл алынган Конституциянын нормасына ылайык, өлкөнүн башкы көзөмөл органы тергөө функциясын да өзүнө алды.

БИШКЕК, 20-сен. — Sputnik. Мирбек Расулов Башкы прокуратуранын Тергөө башкармалыгынын жетекчиси болуп дайындалды. Бул тууралуу аталган органдын маалымат кызматы билдирди.

Буга чейин ал Тергөө башкармалыгынын жетекчисинин орун басары болуп иштеген. Расулов президенттин администрациясынын экс-башчысы Медет Садыркуловдун өлүмүн, экс-депутат Урмат Аманбаева фигурант болгон коррупциялык ишти, Темир Сариевдин 2007-жылы депутат кезиндеги контрабандалык ишин жана башка фактыларды тергеген.

Директор Государственного учреждения Унаа Рустам Джокоев  - Sputnik Кыргызстан, 1920, 17.09.2021
Чуу менен иштен кеткен Түмөнбаевдин ордуна "Унаага" жаш жетекчи дайындалды
Ачык маалыматтарда ал мурдагы парламентарийлер Карганбек Самаков менен Хажимурат Коркмазов айыпталган кылмыш иштерин алып барганы белгилүү болду. Ошондой эле 2003-жылдагы Аксы окуясы боюнча тергөө тобун жетектеген.

Жаңы Конституцияга ылайык, Башкы прокуратурага тергөө функциясы берилет. Апрелде башкы прокурор Курманкул Зулушев башкармалыктын ордуна Тергөө департаменти түзүлөрүн айткан.

Жаңылыктар түрмөгү
0