БИШКЕК, 18-сен. — Sputnik. Кыргызстандык мушкер Валентина Шевченко UFC уюмунун экс-чемпиону Хабиб Нурмагомедовдун сөзүнөн кийин ринг-гёрлз болуп иштеген кыздарды колдоп чыкты. Бул тууралуу Bjpenn басылмасы жазды.
Ринг-гёрлз — аралаш мушташта жана бокста рингге ар раунддун башталышында тактайча көтөрүп баскан кыздар. Алар бикини же кыска көйнөк кийип чыгышат.
Шевченко журналистке маек берип жатып ринг-герлз ММА менен такыр байланышы жок деп айтуу калпыстык болорун билдирген.
UFC women's flyweight champion Valentina Shevchenko is in favor ✅ of having ring girls in MMA
— James Lynch (@LynchOnSports) September 11, 2021
Full interview via @FanaticsView herehttps://t.co/GcboOpWBY2 pic.twitter.com/yf26gtMTs2
"Алар алгачкы ММА турнирлеринен бери келе жатышат. Аларды сырткары чыгарып коюу өтө жаман көрүнүш. Негизи ринг-герлз бул индустриянын ийгиликтеринин бир бөлүгү. Кыздарсыз, фанаттарсыз жана сапаттуу чагылдыруу болбосо турнир суз болуп калмак. Ошондой майда-барат нерселер жалпы картинаны жаратат. Ансыз бардык мушкер азыркыдай деңгээлге жетпесе керек эле. Андыктан ринг-гёрлз биздин чакан жана ири промоушендердин бир бөлүгү болуп кала бермекчи", — деп жазган Шевченко.
Август айында Нурмагомедовдун ринг-гёрлз ММА беттештерин өткөрүүдө пайдасыз адамдар деп айтканы резонанс жараткан.
