Парламенттик шайлоону өткөрүүгө канча каражат кетери белгилүү болду

© AFP / VYACHESLAV OSELEDKOГолосование на выборах седьмого созыва ЖК в селе Кой-Таш
Голосование на выборах седьмого созыва ЖК в селе Кой-Таш - Sputnik Кыргызстан, 1920, 17.09.2021
Жазылуу
Кыргызстанда парламенттик шайлоо үстүбүздөгү жылдын 28-ноябрына белгиленген. Бул ирет аралаш система менен өтөт.

БИШКЕК, 17-сен. — Sputnik. Жогорку Кеңешинин депутаттарын шайлоону даярдоого жана өткөрүүгө кете турган чыгымдардын жалпы суммасы 592 миллион 531 миң сомду түздү. Бул тууралуу Борбордук шайлоо комиссиясы билдирди.

Анын ичинен БШКнын жеке өзүнүн чыгымдары 235 миллион 035,0 миң сом. Мында шайлоо комиссиялары үчүн зарыл болгон борборлоштурулган сатып алууларды ишке ашыруу үчүн каражат камтылган.

Округдук шайлоо комиссияларына 339 миллион 496 миң сом бөлүнөт. Ал эми чет өлкөдөгү шайлоо комиссияларына 18 миллион сом каралган.

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген. Учурда бир мандаттуу округдардан чыккан талапкерлердин арызы кабыл алынууда.

Жаңылыктар түрмөгү
0