БИШКЕК, 11-сен. — Sputnik. Бир сутка ичинде Кыргызстанда 12 409 адам эмдөөдөн өттү. Бул тууралуу Республикалык штаб кабарлады.
Кечээтен бери эмделгендердин ичинен 5 913 киши биринчи дозасын алса, 6 496 адам вакцинанын экинчи компонентин сайдырган.
Жалпысынан 731 693 киши коронавирустун биринчи дозасы менен эмделди. 518 257 адам экинчи дозасын алып толугу менен вакцинацияланды.
COVID-19га каршы вакцинациялоо боюнча улуттук пландын алкагында 3,4 миллион адамды эмдөө каралган. Жамааттык иммунитет жаралышы үчүн максаттуу топко киргизилгендердин кеминде 70 пайызы вакцина алышы зарыл. Бул 2,4 миллион адамды түзөт.
