БИШКЕК, 29-авг. — Sputnik. Коронавирус кош бойлуу аялга жуккан кезде түйүлдүккө терс таасир этери жөнүндө маалыматтар көбөйө баштады. Бул тууралуу Роспотребнадзор мекемесинин клиникалык-аналитикалык иштер боюнча директорунун орун басары Наталья Пшеничнаяга шилтеме берип РИА Новости жазды.
Адистин айтымында, жакында эле энеси 5-6 жумалык кош бойлуу кезде COVID-19 менен ооруп сакайган ымыркай төрөлгөн. Дарыгерлер баланын тубаса көз кемтигине (бир нече кооптуу оору бирге келген учур) чалдыкканын аныкташты.
"Окумуштуу медиктер буга коронавирустан башка нерсенин тиешеси жок экенин айтып жатышат. Мисалы, башка инфекциялар, ген же эненин баңгизат колдонушу көздүн дал ушундай оорусуна себеп боло алмак эместиги айтылууда", — деди Пшеничная.
"Ай-күнүнөн эрте төрөлүп калган балдардын кийин өсүшү бир аз жайыраак болот. Ал эми коронавирус жуктуруп алган аялдын ичиндеги түйүлдүккө илдеттин оор фазасында аба жетишпей калышы дагы мүмкүн. Мындай кыйынчылык менен төрөлгөн балдардын өсүшү ого берет кечеңдээри байкала баштады", — деди адис.
Андыктан дарыгер балалуу болууну пландагандарга алдын ала эмдөөдөн өтүп алууну сунуштайт.
