Байден терактыдан кийин Афганистанга кошумча күчтөрдү жиберүүгө даяр

© REUTERS / U.S. Air Force / Senior Airman Taylor Crul / HandoutСитуация в Афганистане после смены власти
Ситуация в Афганистане после смены власти - Sputnik Кыргызстан, 1920, 27.08.2021
Жазылуу
Буга чейин аскерлер Кабулдун аэропортундагы эвакуациялоо иштеринде коопсуздукту камсыздоо үчүн ошол жердеги контингенттин саны жетишерлик экендигин айтышкан.

БИШКЕК, 27-авг. – Sputnik. АКШнын президенти Жозеф Байден Кабулдагы терактыдан кийин Афганистанга кошумча күч таштоо боюнча аскерлердин бардык сурамдарын канааттандырарын билдирди. Бул туурасында РИА Новости жазды.

"Аскерлерге эгерде аларга кошумча күчтөр керек болсо, суроосун аткарууга уруксат береримди айттым", – деген Байден телеканалдар аркылуу элге кайрылуусунда.

Буга чейин аскерлер Кабулдун аэропортунда америкалыктарды, үчүнчү өлкөлөрдүн жарандарын жана тобокел тобундагы жергиликтүү жашоочуларды эвакуациялоодо коопсуздукту камсыздоо үчүн ошол жердеги контингенттин саны жетишерлик экендигин айтышкан.

Президент США Джо Байден  - Sputnik Кыргызстан, 1920, 27.08.2021
Байден Кабулдагы жардыруудан соң "Ислам мамлекетине" чабуул даярдоону буюрду
Эске салсак, кечээ, 26-августта, Афганистандын борбору Кабул шаарынын аба майданында эки жарылуу болгон. Анын бири чет элдиктер (АКШ жана Улуу Британия жарандары) чогулган Baron отелинин жанында жаңырган. Жан кечти террорчу бул ишти жасагандан кийин эле мина коюлган автоунаа да жарылган.

Афганистандын Саламаттык сактоо министрлигинин билдиргенине караганда, 100дөй адам өлүп, 150гө чукул киши жарадар болду. Мурдагы кабарларда көз жумгандардын саны 40 киши деп айтылган болчу. Пентагондун маалыматтарына таянсак, каза тапкандардын арасында америкалык 13 аскер бар. Дагы 12си жаракат алган.

Жаңылыктар түрмөгү
0