Fox News телеканалынын билдиришинче, окуя "Цинциннати" менен "Орландо Сити" командасы беттешип жатканда болду.
Видеодон бала эң алдыңкы трибунадагы тосмодон жөрмөлөп өтүп, талаага чуркап чыгып кеткенин көрүүгө болот. Энеси дароо чуркап чыгып, кармайм деп жатып өзү сыйгаланып жыгылып түшкөн. Бирок бат эле ордунан туруп, оюн аянтчасынан чыгып кетишкен. Бул учур көрүүчүлөрдүн, кийин интернет колдонуучуларынын көңүлүн бурган.
Посмотреть эту публикацию в Instagram
Аял журналисттерге берген маегинде баласына топ тийип же футболчулар коюп кетпесе экен деп катуу коркконун айткан.
Ал уулу кичинекей болгонуна карабастан футболдун чоң күйөрманы экенин, топту көргөндө абдан сүйүнөрүн кошумчалаган. Ошондой эле баласы үчкө толсо футбол секциясына алып барарын билдирген.
