Радиостудия Sputnik Кыргызстан в Бишкеке - Sputnik Кыргызстан, 1920
Радио

Ыбышева: сапаттуу антисептик негизинен спирт жыттанып турушу керек

© Sputnik / Максат ЭлебесовСанитардык карантиндик пунктунун бөлүм башчысы, врач-эпидемиолог Бактыгүл Ыбышева
Санитардык карантиндик пунктунун бөлүм башчысы, врач-эпидемиолог Бактыгүл Ыбышева - Sputnik Кыргызстан, 1920, 12.08.2021
Жазылуу
Yandex newsTelegram
Санитардык карантиндик пунктунун бөлүм башчысы, врач-эпидемиолог Бактыгүл Ыбышева антсептиктерди тандоо жана колдонуу эрежелери тууралуу айтып берди.

Сапаттуу антисептик спирт гана жыттанып турушу керек. Бул тууралуу Бактыгүл Ыбышева Sputnik Кыргызстан радиосунда маек куруп жатып билдирди.

Ыбышева: сапаттуу антисептик негизинен спирт жыттанып турушу керек

Анын айтымында, үй шартында антсептик жасоодо спирт, суу жана кошулмалардын өлчөмүн туура аныктап алуу зарыл.

"Коронавирустун пайда болушу менен антисептиктер жашообуздун бир бөлүгүнө айланды. Бирок дайыма эле дүкөн текчелеринен сапаттуу каражатты алып жатабызбы деген суроо жаралат. Антисептиктин негизги бөлүгүн спирт түзгөндүктөн ал колдонгондо дайыма спирт жыттанып турушу керек. Азыр анын жытын жагымдуу кылуу максатында ар кандай жыпар заттарды кошуп жатышат. Ошентсе да спирттин жыты жок болуп калган же такыр башка нерсенин жыты келген антисептиктерди албай эле койгон дурус. Анан да колго сепкенде шире сыяктуу болуп жабышпай, абага учуп кетиши маанилүү. Антисептиктер күндүн нуру түз тийбеген жерде, кочкул өңдөгү идиште сакталуусу талапка ылайык. Эгер идиши тунук өңдө болсо, анда ал күндүн нурун өткөрбөгөн каражаттардан жасалган кутуча болуусу жана бул тууралуу анын таңгагында көрсөтүлүшү зарыл",— деди Ыбышева.

Эпидемиолог антисептиктин курамында этил спирти 70 пайыздан аз эмес бөлүгүн түзүшү, эгер изопропил спиртинен жасалса 60 пайыздан жогору болушу керектигин кошумчалады.

Подкасттын толук варианттын видеодон көрүңүз:

Жаңылыктар түрмөгү
0