БИШКЕК, 9-авг. — Sputnik. Бүгүн саат 16:00дөр чамасында ЦУМда шек жараткан кара кийимчен аял жүргөнү боюнча маалымат түшкөн. Бул тууралуу Свердлов райондук милициясы билдирди.
Айтылган жерге дароо ыкчам-тергөө тобу, милиционерлер, Кайгуул-күзөт кызматынын жакын жердеги экипажы, Свердлов райондук милициясы менен Бишкек ШИИББдин жетекчилиги жөнөп кеткен.
"Жарандардын коопсуздугун камсыздоо максатында милиция ЦУМдун айланасын курчоого алып, соода борбордун ичиндеги адамдарды эвакуациялады. Жеринде УКМКнын дагы кызматкерлери иштеп жатат", — деп айтылат маалыматта.
Окуя боюнча кенен маалымат кийинчерээк берилери кошумчаланды.
Жеринен тартылган сүрөттөрдү материалдан көрүңүздөр.
