БИШКЕК, 1-авг. — Sputnik. Кытайдан Кыргызстанга Sinopharm вакцинасынын 1 миллион 250 миң дозасы жеткирилди. Бул тууралуу өкмөттүн маалымат кызматы кабарлады.
Кытайдан Кыргызстанга Sinopharm вакцинасынын 1 миллион 250 миң дозасы жеткирилди
© Фото / пресс-служба правительства КР
Билдирмеге караганда, вакцина республикалык бюджеттин эсебинен сатып алынган.
Эскерте кетсек, июлдун башында Кытайдан Sinopharm вакцинасынын 1 миллион 250 миң дозасы алып келинген. Анын 1,1 миллион дозасы сатып алынса, 150 миң дозасы акысыз берилген. Жалпысынан Кыргызстан Кытайдан Sinopharm вакцинасынын 2 миллион 350 миң дозасын сатып алганы айтылды.
"Министрлер кабинети коронавируска каршы күрөшүүдө жана вакцина алууда көрсөткөн колдоосу үчүн Кытай Эл Республикасына ыраазычылык билдирет", — деп айтылат маалыматта.
Өкмөт элди вакцина алууга чакырды.
