Кубаттуу соккудан эстен танган мушкер тик турган бойдон селейип калды. Видео

Жазылуу
Россиялык ММА мушкери Хусейн Кушагов атаандашы Антонио Маркосту нокаутка кетирди. Мушкер жерге кулабай, торго жөлөнгөн бойдон туруп калган.
Орто салмактагы мушкерлердин беттеши Россиянын Сочи шаарында өткөн ACA 126 мелдешинде болду.
Таймаш биринчи эле раундда аяктады. Россиялык атлеттин капталдан урган соккусу атаандашы Маркосту эстен тандырды. Кадрдан көрүнүп тургандай, эси ооп калган бразилиялык мушкер торго жөлөнгөн бойдон селейип калган.
Калыс тезинен арачы болуп калкалап, мушкерди канваска жаткырганга аракет кылды. Кийин ага Кушагов да жардамдашты.
​Кушагов үчүн бул 12-жеңиши болуп саналат. Ал алты таймашта утулган. Анын атаандашы 19 беттештин жетөөндө жеңилген.
Жаңылыктар түрмөгү
0