Түштүк Африка өкмөтү аялдарга бир нече күйөөгө тийүүгө уруксат берүүнү сунуштады

© Sputnik / Алексей Майшев / Медиабанкка өтүүҮйлөнүдө турган келин. Архив
Үйлөнүдө турган келин. Архив - Sputnik Кыргызстан, 1920, 11.07.2021
Жазылуу
Бул өлкөнүн Конституциясы жарандарынын жеке жашоосуна бир топ эле эркиндик берген. Мисалы, көп аялдуулук жана бир жыныстагы адамдардын баш кошушуна мыйзам каршы чыкпайт.
БИШКЕК, 11-июл. — Sputnik. Түштүк Африка Республикасынын өкмөтү аялдарга бир нече эркекке турмушка чыгууну мыйзамдаштырып берүүнү сунуштап жатат. Бул тууралуу ВВС жазды.
Маалыматка караганда, бул өлкөнүн Конституциясы жарандарынын жеке жашоосуна бир топ эле эркиндикти берген. Мисалы, көп аялдуулук жана бир жыныстагы адамдардын баш кошушуна мыйзам каршы чыкпайт.
"Учурда гендердик тең укуктуулукту көздөгөндүктөн өкмөткө аялдарга дагы бир нече күйөлүү болууга уруксат берүү өтүнүчү менен кайрылып, министрлер кабинети бул сунушту коомчулукка алып чыкты. Эл арасында бул боюнча эки ача пикирлер айтылып, каршы болгон тараптар көптүк кылууда", — деп айтылат макалада.
Жаңы үйлөнгөндөр. Архив - Sputnik Кыргызстан, 1920, 27.06.2021
Жеке жашоосуна, никесине нааразы болгон эркектер эртерээк көз жумат. Изилдөө
Полиандрия (аялдын бир эле учурда бир нече эркекке турмушка чыгышы) көрүнүшү боюнча Түштүк Африкада изилдөөлөрдү жүргүзгөн профессор Коллис Мачоконун айтымында, коомчулукта ачык айтылбаганы менен мындай никеде жашап жүргөндөр жок эмес. Болгону коом тарабынан бул нерсе кабыл алынбагандыктан, эч ким ачык айтып, жемеге калгысы келбейт.
Эл арасында дагы бир маселе жаратып жаткан нерсе, мындай үй-бүлөлөрдө кайсы баланын атасы ким экенин аныктоо кыйынга туруп, ДНК анализ жасатууга туура келери айтылууда.
Жаңылыктар түрмөгү
0