Бишкекте күндүзгү стационарлар эмнеге ачылбай жатат. Мэриянын жообу

© Пресс-служба президента КР / Султан ДосалиевКүндүзгү стационарда бейтапты кабыл алып жаткан дарыгер. Архив
Күндүзгү стационарда бейтапты кабыл алып жаткан дарыгер. Архив - Sputnik Кыргызстан, 1920, 30.06.2021
Жазылуу
Yandex newsTelegram
Саламаттык сактоо жана социалдык өнүктүрүү министрлигинин маалыматы боюнча, калаадагы ооруканаларда COVID-19га чалдыккандар үчүн орун аз.
БИШКЕК, 30-июн. — Sputnik. Бишкектин вице-мэри Виктория Мозгачева коронавируска чалдыккандардын саны көбөйгөнүнө карабай, эмне себептен күндүзгү стационарлар ачылбай жатканын түшүндүрүп берди.
Редакцияга окурмандардын бири кайрылып, учурда ооруканалардан орун жетпей жаткандыктан, коронавируска чалдыккандардын көбү үйдө дарыланып жатканын билдирген.
"Коронавируска кабылгандар бейтапканаларга барганда, эч ким аларга гепарин уколун сайып же капельница коюп бербейт. Үйдөн дарыланып, дарыгер чакырткыла дейт. Ага акча төлөшүбүз керек да", — деди жаран.
Мозгачеванын айтымында, күндүзгү стационарларды ачуу үчүн Саламаттык сактоо жана социалдык өнүктүрүү министрлигинин атайын буйругу керек.
"Воронцовка айылындагы ооруканада 200 орун бар. Жарандар ал жакка кайрылса болот. Кийин жакшы болуп кеткендер үйлөрүнө чыгарылып, ооруканаларда дагы орун бошойт. Ошондой эле кошумча керебеттерди коюу маселеси каралат", — деди вице-мэр.
Анын айтымында, коронавирусту дарылоо боюнча акыркы протоколго ылайык, оорунун жеңил формасына кабылгандарга капельница эмес, таблеткалар жазылып, суусундукту көп ичүү сунушталат. Ошондой эле мындай бейтаптар үйүндө дарыланса болору айтылат.
Заседание в мэрии по эпидемиологической обстановке в Бишкеке - Sputnik Кыргызстан, 1920, 30.06.2021
Вице-мэр Бишкекте бир суткада 1 490 кишиден COVID табылган себебин түшүндүрдү
"Ооруканага абалы оорлор кайрылат. Учурда пневмония болгондордун саны аз. Андыктан кислород концентраторлоруна дагы салыштырмалуу суроо-талап төмөн. Былтыр күндүзгү стационарларга кишилер келип, капельница алып, кайра кетип жатышкан. Азыр алар оорукана көйгөйүн чече алышпайт. Үй-бүлөлүк медицина борборлору өз милдеттерин аткарууда. Каалагандар кайрылса болот", — деди Мозгачева.
Ошол эле учурда Саламаттык сактоо жана социалдык өнүктүрүү министрлигинин маалыматы боюнча, калаадагы ооруканаларда COVID-19га чалдыккандар үчүн орун аз калганы айтылат.
Жаңылыктар түрмөгү
0