https://sputnik.kg/20210629/voenno-antonovka-baldar-uju-komissiya-1053034559.html
Өспүрүм каза болгон балдар үйүнө атайын комиссияны киргизбей коюшту
Өспүрүм каза болгон балдар үйүнө атайын комиссияны киргизбей коюшту
Sputnik Кыргызстан
Военно-Антоновкадагы балдар үйүндө 13 жаштагы тарбиялануучу каза болуп, анын өлүмүн иликтөө үчүн атайын комиссия түзүлгөн. 29.06.2021, Sputnik Кыргызстан
2021-06-29T11:03+0600
2021-06-29T11:03+0600
2021-12-14T14:27+0600
жаңылыктар
коом
кыргызстан
чүй облусу
балдар үйү
өспүрүм
өлүм
иликтөө
комиссия
https://sputnik.kg/img/07e5/06/15/1052947856_0:0:3072:1738_1920x0_80_0_0_18ecfd5bb90e94595ba440f9c64ce15f.jpg
БИШКЕК, 29-июн. — Sputnik. Военно-Антоновкадагы балдар үйүндө каза болгон 13 жашар Игорь Якуниндин өлүмүнүн себебин аныктоо боюнча иштеп жаткан комиссияны аталган мекеменин аймагына киргизбөөгө аракет болду. Бул тууралуу Акыйкатчы институтунан кабарлашты.Маалыматка караганда, комиссия мүчөлөрү жана акыйкатчынын орун басары Гүлнара Жамгырчиева мекемеге барган соң директордун орун басары Галина Андрусова кирүүсүнө тоскоолдук жаратып, орой мамиле жасаган.Маалыматка караганда, бул көрүнүш министрликтин кызматкерлери менен балдар үйүнүн башчысынын милдетин аткаруучу келгенге чейин уланган.Мындан улам министрдин атына Андрусованы тергөө иштери аяктаганга чейин кызматынан бошото туруу өтүнүчү жолдонду.Эске салсак, балдар үйүнүн 13 жаштагы тарбиялануучусунун каза тапканы тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. Баланы багып алууга ниеттенип жүргөн АКШлык үй-бүлө жактоочу жалдап, анын маалыматы боюнча, тергөө амалдарын жүргүзүүдө бир катар мыйзам бузуу болгон.Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон. Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген шек жаралып жаткандыгын айткан.
https://sputnik.kg/20210624/voenno-antonovka-baldar-j-yakunin-olum-ehkspertiza-1052977524.html
чүй облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, чүй облусу, балдар үйү, өспүрүм, өлүм, иликтөө, комиссия
жаңылыктар, коом, кыргызстан, чүй облусу, балдар үйү, өспүрүм, өлүм, иликтөө, комиссия
Өспүрүм каза болгон балдар үйүнө атайын комиссияны киргизбей коюшту
11:03 29.06.2021 (Жаңыртылды: 14:27 14.12.2021) Военно-Антоновкадагы балдар үйүндө 13 жаштагы тарбиялануучу каза болуп, анын өлүмүн иликтөө үчүн атайын комиссия түзүлгөн.
БИШКЕК, 29-июн. — Sputnik. Военно-Антоновкадагы балдар үйүндө каза болгон 13 жашар Игорь Якуниндин өлүмүнүн себебин аныктоо боюнча иштеп жаткан комиссияны аталган мекеменин аймагына киргизбөөгө аракет болду. Бул тууралуу Акыйкатчы институтунан кабарлашты.
Маалыматка караганда, комиссия мүчөлөрү жана акыйкатчынын орун басары Гүлнара Жамгырчиева мекемеге барган соң директордун орун басары Галина Андрусова кирүүсүнө тоскоолдук жаратып, орой мамиле жасаган.
"Мындан тышкары, Андрусова ЖК депутаттары Айсулуу Мамашова, Бурул Аманованын дагы ишине тоскоолдук кылууга аракет жасаган. Андан соң билим берүү жана илим министри Болот Купешовдун "балдар үйүнүн аймагына бөлөк адамдар кирбесин" деген оозеки буйругуна таянып, балдар менен имаратка бекинип алган", — деп айтылат билдирүүдө.
Маалыматка караганда, бул көрүнүш министрликтин кызматкерлери менен балдар үйүнүн башчысынын милдетин аткаруучу келгенге чейин уланган.
Мындан улам министрдин атына Андрусованы тергөө иштери аяктаганга чейин кызматынан бошото туруу өтүнүчү жолдонду.
Эске салсак, балдар үйүнүн 13 жаштагы тарбиялануучусунун каза тапканы тууралуу маалымат мындан эки жума мурда тараган. Игорь Якуниндин
өлүмү боюнча факт Сокулук райондук милициясы тарабынан 1-июнда катталган. Баланы багып алууга ниеттенип жүргөн АКШлык үй-бүлө жактоочу жалдап, анын маалыматы боюнча, тергөө амалдарын жүргүзүүдө бир катар мыйзам бузуу болгон.
Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон. Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген шек жаралып жаткандыгын айткан.
