Ошто эпидемиологиялык абал курчуй берсе шаарга чектөөлөр кирет

© Фото / пресс-служба мэрии города ОшОш шаардык тез жардам кызматынын диспетчердик бөлүмүнүн кызматкери. Архив
Ош шаардык тез жардам кызматынын диспетчердик бөлүмүнүн кызматкери. Архив - Sputnik Кыргызстан, 1920, 21.06.2021
Жазылуу
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.
БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.
Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.
"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.
Бишкектеги коронавируска каршы эмдөө пункту. Архив - Sputnik Кыргызстан, 1920, 17.06.2021
Вице-мэр: Бишкекте жамаат менен коронавируска каршы эмделсе болот
Ал элди санитардык эрежелерди бекем сактоого чакырды.
21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.
Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.
Жаңылыктар түрмөгү
0