Радиостудия Sputnik Кыргызстан в Бишкеке - Sputnik Кыргызстан, 1920
Радио

Конушбаев: чет жактагы жарандарга паспорт баасын ТИМ бекитет

© Sputnik / Асель СыдыковаКалкты жана жарандык актыларды каттоо департаментинин директорунун орун басары Бакыт Конушбаев
Калкты жана жарандык актыларды каттоо департаментинин директорунун орун басары Бакыт Конушбаев - Sputnik Кыргызстан, 1920, 17.06.2021
Жазылуу
Yandex newsTelegram
Калкты жана жарандык актыларды каттоо департаментинин директорунун орун басары Бакыт Конушбаев жаңы үлгүдөгү жарандык паспорт эл аралык жарандык авиация уюмунун талаптарына жооп берерин айтты.
Жаңы үлгүдөгү жарандык паспорттордо 30дан ашуун коргоочу элемент бар. Алар көзгө көрүнүп, колго байкалганы, көзгө көрүнбөгөнү жана катылган коргоочу элементтер болуп үчкө бөлүнөт. Бул тууралуу Бакыт Конушбаев Sputnik Кыргызстан радиосунун эфиринде маек куруп жатып билдирди.
Конушбаев: чет жактагы жарандарга паспорт баасын ТИМ бекитет
Анын айтымында, учурда 70 000ден ашуун жаран жаңы үлгүдөгү жарандык паспорт алууга документ тапшырган.
"Жалпы жарандык паспортту ушул жылдын 3-майынан тарта бере баштадык. Жаңы документ эл аралык талаптардын баарына жооп берет. Өлкө ичинде алууну каалагандар 18 жумушчу күнүндө ээ боло алышат. 34 барактуу паспорттун наркы 885 сом, 50 барактуусунуку 945 сом. Экинчиси чек арадан көп кирип-чыккан соодагерлерге, жүк ташуучу унаанын айдоочуларына керектелет. Жалпы жарандык паспортту эмгек миграциясында жүргөн жарандарыбыз да ошол жактагы элчиликтерге кайрылып ала алышат. Мисалы, Москва шаарындагы кыргызстандыктарга документ тапшырган күндөн тарта бир айга чейинки аралыкта колго тиет. Ал эми Европа жана башка мамлекеттердеги жарандарыбызга жеткирүү маселесинен улам ар кандай убакыт талап кылынып калынышы мүмкүн. Ошондой эле баасы да өлкө ичинде алгандан бир аз айырмаланат. Анткени башка мамлекетте жүргөн жарандарга паспорт баасын Тышкы иштер министрлиги бекитет. Бирок наркында өтө чоң деле айырма болбойт", — деди Конушбаев.
Ал эски үлгүдөгү жалпы жарандык паспортунун жарактуу мөөнөтү бүтө электерди жаңы документ алууга ашыкпай эле коюуга чакырды.
Жаңылыктар түрмөгү
0