Оркестр коллективдери арасында республикалык кароо-сынак жарыяланды

© Sputnik / Владимир Песня / Фотобанкка өтүүОркестр спектакль учурунда. Архив
Оркестр спектакль учурунда. Архив - Sputnik Кыргызстан, 1920, 16.06.2021
Жазылуу
Yandex newsTelegram
Сынакта катышуучулардын жашы, улуту жана сунуштала турган музыкалык чыгармалардын жанрларына чек коюлбай турганы айтылды.
БИШКЕК, 16-июн. — Sputnik. Маданият, маалымат, спорт жана жаштар саясаты министрлиги эгемендүүлүктүн 30 жылдыгына карата оркестр (эл аспаптар) коллективдери арасында республикалык кароо-сынак жарыяланып жатканын билдирди.
Маалыматка караганда, сынактын максаты — Кыргызстандын эл-жерин даңазалаган эл аспаптар оркестрлеринин жаңы чыгармаларын жаратып, аларды кеңири жайылтуу.
"Кароо-сынак эки номинация боюнча өткөрүлөт. Биринчиси эл аспаптар оркестрлери (атуулдук чыгармалар), экинчиси аспапчылык багытта. Чыгармалар оригиналдуулугу, музыканын дал келиши, музыкалык формалардын даана жана так сакталышы, оркестрде иштеп чыгуу критерийлери менен бааланат", — деп айтылат маалыматта.
Сынакта катышуучулардын жашы, улуту жана сунуштала турган музыкалык чыгармалардын жанрларына чек коюлбай турганы кошумчаланды.
Бишкекте белгиленген Россия күнү - Sputnik Кыргызстан, 1920, 12.06.2021
Бишкекте белгиленген Россия күнү. Оюн-зоок менен өткөн майрамдан 12 сүрөт
"Катышуучулар чыгармаларын Маданият, маалымат, спорт жана жаштар саясаты министрлигинин алдындагы Улуттук маданий борборго "Эгемендүүлүккө 30 жыл" сынагына деп белгилеп жөнөтүүсү керек", — деп айтылат билдирмеде.
Сынактын жеңүүчүлөрүнө акчалай сыйлык каралган. 1-орун — 50 миң сом, 2-орун — 40 миң, ал эми 3-орунга 30 миң сом ыйгарылат. Сыйлыктарды тапшыруу аземи лауреаттардын гала-концерти менен коштолуп, Токтогул Сатылганов атындагы Кыргыз улуттук филармониясында өтө турганы кошумчаланды.
Жаңылыктар түрмөгү
0