Мэрдин милдетин аткаруучу: жол кире сентябрга чейин эле көтөрүлүшү мүмкүн

© Фото / пресс-служба Жогорку КенешаМэрдин милдетин аткаруучу Бактыбек Кудайбергенов
Мэрдин милдетин аткаруучу Бактыбек Кудайбергенов - Sputnik Кыргызстан, 1920, 03.06.2021
Жазылуу
Шаардын убактылуу башчысынын айтымында, иш таштаган маршрутканын айдоочулары мэрияны кыйын абалга кептеп койду.
БИШКЕК, 3-июн. — Sputnik. Бишкекте коомдук транспортко болгон тарифтер сентябрга чейин эле көтөрүлүшү мүмкүн. Бул тууралуу Жогорку Кеңештин жыйынында мэрдин милдетин аткаруучу Бактыбек Кудайбергенов билдирди. 
"Биз маршрутка айдоочуларын сентябрга чейин күткүлө деп жатабыз. 11-июлдагы шайлоодон кийин жаңы шаардык кеңеш келгенде, балким, маселе эрте чечилип калар. Айдоочулар так убакытты айткыла деп жарга такап жатат. Азыр кырдаал оор, биз алардан көз каранды болуп турабыз", — деди Кудайбергенов.
Калаа башчысынын милдетин аткаруучу тарифти Бишкек шаардык кеңеш чечерин, алар азыр үгүт иштери менен жүргөндүктөн чогулта албай жатканын айткан.
Өз кезегинде депутаттар маанилүү маселени чече албаган Кудайбергенов менен шаардык кеңешти сындаган.
Жаңылыктар түрмөгү
0