Рим папасына пластик бөтөлкөлөрдөн папамобиль жасалат
08:31 23.05.2021 (Жаңыртылды: 14:27 14.12.2021)
© REUTERS / YARA NARDI
Жазылуу
Авто өндүрүүчүнү өзгөчө транспортту чыгарууга понтификтин айлана-чөйрөнү коргоого болгон сый мамилеси шыктандырган.
БИШКЕК, 23-май — Sputnik. Америкалык электроунаа жасаган Fisker компаниясы электр кубаты менен жүрүүчү алгачкы папамобиль (Рим папасы үчүн расмий аземдерде пайдалануучу транспорт каражаты) чыгарууну пландап жатканын билдирди. "Известия" басылмасынын жазганына караганда, электромобиль компаниянын кроссоверинин базасында даярдалып, аны чыгаруу ноябрь айына пландалган.
Понтификтин автокөлүгүндөгү коргоочу куполу зарыл учурда чатыр менен калкаланат.
It was an honor to have a private audience with Pope Francis @Pontifex . He is so conscience about our responsibility towards the environment & for our generations to come! Looking forward to make the 1st ALL electric Popemobile. #Fisker #love #EVs #PopeFrancis #vatican pic.twitter.com/0zdnXs6Bpo
— Henrik Fisker (@henrikfisker) May 21, 2021
"Папа Францискинин кабыл алуусунда болгонума сыймыктандым. Ал айлана-чөйрөнү коргоо маселесине өзгөчө жоопкерчилик менен карайт. Алгачкы электрдик папамобилди чыгара турган күндү чыдамсыздык менен күтүп жатам", — деп жазат компаниянын негиздөөчүсү Хенрик Фискер өзүнүн Twitter баракчасында.
Reuters агенттигинин маалыматына ылайык, электромобилди чыгарууга океандан чогулган желим бөтөлкөлөрдөн кайра иштетилип алынган каражаттар пайдаланылат.
