Балдар үйүнүн бүтүрүүчүлөрүнүн автоунаасы табылды. Аны айдап качкан адам изделүүдө

CC BY 2.0 / Erik Starck / Driving a carАйдоочу. Архив
Айдоочу. Архив - Sputnik Кыргызстан, 1920, 20.05.2021
Жазылуу
Балдар үйүнөн чыккан бүтүрүүчүлөр дал ушул автокөлүктүн жардамы менен жан багып, үй салууга акча табышчу.
БИШКЕК, 20-май — Sputnik. Балдар үйүнүн бүтүрүүчүлөрүнүн уурдалган автоунаасы табылды. Бул тууралуу "Биздин добуш" коомдук фондунун жетекчиси Айнура Осмонова билдирди.
Дал ушул автокөлүктүн жардамы менен социалдык мекемелердин бүтүрүүчүлөрү жан багып, үй салууга акча таап келген.
Автоунаанын табылганын Чүй облустук ички иштер башкармалыгы тастыктады. Жүк ташуучу чакан автоунааны Новопокровка айылына жакын талаага таштап кетишкен. Автокөлүктү айдай качкан адамды милиция издөөгө алды.
Белгилей кетсек, кылмыш 19-майдын түнүндө ошол эле айылда болгон. Автоунаа тууралуу маалымат социалдык тармакка тарап, милиция да издеп баштаган.
Жаңылыктар түрмөгү
0