Түндө Бишкектеги батирде жалгыз калган бөбөк Балдар үйүнө берилди

© AFP 2023 / CHRISTOF STACHEБала оюнчуктар менен ойноп жатат. Архив
Бала оюнчуктар менен ойноп жатат. Архив - Sputnik Кыргызстан, 1920, 27.04.2021
Жазылуу
Милициянын болжолдуу маалыматы боюнча, эки жаштагы наристе атасы менен жашайт. Энеси чет мамлекетке иштеп кеткен.
БИШКЕК, 27-апр. — Sputnik. Бишкектин Аламүдүн-1 кичи районундагы батирде түндө жалгыз калган эки жашар кыз Балдар үйүнө өткөрүп берилди. Бул тууралуу ШИИБдин маалымат кызматы кабарлады.
Буга чейин ӨКМ көп кабаттуу үйдүн жашоочулары 112 куткаруу кызматына түнкү саат 02:58де чалып, бекип турган батирде бала ыйлап жатканын айтышканын билдирген. Куткаруучулар атайын шаймандар менен эшикти ачып, баланы ИИМ кызматкерлерине өткөрүп беришкен.
Милицияга батирде кичинекей кыз ыйлап жатат деген билдирүү 01:30да түшкөн. Баланын денесинде жаракаттар жок экени айтылат.
Бала көтөрүп турган аял. Архив - Sputnik Кыргызстан, 1920, 15.04.2021
Бишкекте табылган эки жашар бөбөк энесине берилди
Алгачкы маалыматтар боюнча, эки жаштагы кыз атасы менен жашайт. Энеси чет мамлекетке иштеп кеткен.
Милиционерлер ата-эненин аты-жөнүн аныктап, түшүндүрүү иштерин жүргүзүүдө. Териштирүү иштери бүткүчө наристе Балдар үйүндө болот.
Укук коргоо органдары бала кантип жалгыз калганын аныктоодо. Материалдар Свердлов районунун балдар иштери боюнча комиссиясына өткөрүп берилет.
Жаңылыктар түрмөгү
0