Токмокто участкадан тышкаркы 3 тилкеде добуш берүүнүн жыйынтыгы жокко чыкты

© Пресс-служба правительства / Алишер АлиевАдам шайлоо участогунда добуш берип жатат
Адам шайлоо участогунда добуш берип жатат - Sputnik Кыргызстан, 1920, 11.04.2021
Жазылуу
Кыргызстан боюнча кечээ 17 099 жаран негиздүү себептерге байланыштуу шайлоо участкаларынан сырткары добуш берген.
БИШКЕК, 11-апр. — Sputnik. Токмок шаарында дагы участкадан сырткаркы үч тилкеде добуш берүүнүн жыйынтыгы жокко чыгарылды. Бул туурасында Токмок аймактык шайлоо участкасынын атайын өкүлү Айгүл Идинова билдирди.
Анын айтымында, кечээ, 10-апрелде, участкадан сырткаркы добуш берүү маалында мыйзам бузуулар катталганы туурасында арыздар түшкөн. Текшерүү учурунда ден соолугунан мүмкүнчүлүгү чектелбеген, дени сак жарандар үйүнөн добуш берип жатканы аныкталган. Ошондой эле кээ бир партиялардын шайлоонун жүрүшүнө кийлигишкени себеп болгон.
Жаңы Конституциянын долбоору боюнча референдумдагы добуш берүүнүн жүрүшү - Sputnik Кыргызстан, 1920, 11.04.2021
Референдумга катышкан шайлоочулардын саны. Улам жаңыланган график
Кыргызстан боюнча кечээ 17 099 жаран шайлоо участкаларынан сырткары добуш берген. Бул категорияга майыптыгы бар жана үйдөн чыга албаган улгайган адамдар кирет.
Буга чейин Бишкек шаарында дагы участкадан сырткары алты тилкеде добуш берүүнүн жыйынтыгы жокко чыгарылган.
Белгилей кетсек, 28 шаардык кеңештин шайлоосуна 59 партия катышууда. Ал эми 420 айылдык кеңештин депутаттыгына аттанган талапкерлердин жалпы саны 18 772ге жетет.
Жаңылыктар түрмөгү
0