Айзаданын өлүмү боюнча 44 милиционер жазаланып, жетекчилер кызматтан алынды

© Пресс-служба правительства / Сабыр АильчиевКоллегия Министерства внутренних дел КР
Коллегия Министерства внутренних дел КР - Sputnik Кыргызстан, 1920, 10.04.2021
Жазылуу
Милиция кызматкерлери жана жетекчилери өзүнө жүктөлгөн кызматтык милдеттерди так аткарбагандыгы аныкталган.
БИШКЕК, 10-апр. — Sputnik. Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынды. Бул тууралуу Ички иштер министрлигинин маалымат кызматы билдирди.
ИИМдин Ички иликтөө кызматы тарабынан жүргүзүлүп жаткан кызматтык иликтөөнүн жыйынтыгында милиция кызматкерлери жана жетекчилери өзүнө жүктөлгөн кызматтык милдеттерди так аткарбагандыгы аныкталган.
Анын жыйынтыгы менен жооптуу 12 кызматкер иштен алынып, 32си тартиптик жаза алды.
Кызматтан бошотулгандар:
  • Бишкек шаардык милициянын начальниги Бакыт Матмусаев;
  • Бишкек ШИИББдин жетекчисинин коомдук коопсуздук боюнча орун басары Эрлан Атантаев;
  • Бишкек ШИИББдин Тергөө кызматынын башчысы Нурлан Утемисов;
  • Биринчи май РИИБдин начальниги Акылбек Казакеев;
  • Биринчи май РИИБдин жетекчисинин ыкчам иштер боюнча орун басары И. Базаркулов;
  • Биринчи май РИИБдин жетекчисинин сотко чейинки өндүрүш боюнча орун басары К. Суранчиев;
  • Биринчи май РИИБдин начальнигинин коомдук коопсуздук боюнча орун басары А. Өзүбеков;
  • Биринчи май РИИБдин нөөмөт бөлүгүнүн ыкчам нөөмөткерлери Б.Абдиллаев, Ж. Тукешов;
  • Биринчи май РИИБдин тергөө кызматынын улук тергөөчүсү У.Арыкбаев;
  • Чүй облустук милициянын Коомдук коопсуздук кызматынын нөөмөт бөлүмүнүн ыкчам нөөмөткери Ч.Абыкеев, инспектор-нөөмөтчүсү М.Уметалиев.
Мындан сырткары, Чүй облустук жана Бишкек шаардык милицияда иштеген 32 кызматкер тартип жазасына тартылды. 
Апаңды да өлтүрүп кетемдеп коркутуп жүрүптүр. Айзаданын жакындарынын видеомаеги - Sputnik Кыргызстан, 1920, 09.04.2021
"Апаңды да өлтүрүп кетем" деп коркутуп жүрүптүр. Айзаданын жакындарынын видеомаеги
Эске салсак, 5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.
7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.
Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.
Жаңылыктар түрмөгү
0