Кыргызстандын алтын валюта резерви бир айда 150 млн. долларга кыскарды

© Sputnik / Табылды КадырбековЗапасы золота в Кыргызстане
Запасы золота в Кыргызстане - Sputnik Кыргызстан, 1920, 08.04.2021
Жазылуу
Улуттук банк өткөн айда сомдун курсун турукташтыруу үчүн 74,3 миллион доллар саткан. Деген менен алтын валюта корунун көлөмүнүн азайышына башка дагы себептер болгону айтылды.
БИШКЕК, 8-апр. — Sputnik. Кыргызстандын алтын запасы март айында 149,7 миллион долларга кыскарды. Бул тууралуу Улуттук банктын сайтындагы маалыматта жазылган.
Акча каражаттары. Архив - Sputnik Кыргызстан, 1920, 06.04.2021
Кыргыз бийлиги COVID менен күрөшүүгө 2,4 млрд. сом камдап жатат
Белгилей кетсек, өткөн жылдын август айында алтын валюта резервинин көлөмү тарыхый рекордго жетип, 3 миллиард доллардан ашкан. Бирок кийин ай сайын кыскаруу байкалган. Резервдин көлөмү азыркы көрсөткүчтөн да төмөн түшкөн учур өткөн жылдын апрелинде катталган.
Эске салсак, мартта өлкөнүн башкы банкы 74,3 миллион доллар саткан. Лондондун баалуу металлдар ассоциациясынын кечки фиксинги боюнча нарк февралдын аягынан марттын соңуна чейин 51,8 долларга арзандап, 1 691и түздү.
Алтын валюта запасы (эл аралык валюта резерви) Улуттук банкка сомдун курсун кармоо мүмкүндүгүн берет. Резерв 10дон ашык валютадан, СDR (эл аралык акча бирдигинин төлөм каражатынан жана жасалма резервден — атайын карыз алуу укугу) жана алтындан турат.
Жаңылыктар түрмөгү
0