Манас Ниязов өзү ойногон "Достук" командасына каршы беттешке чыгат
09:54 17.03.2021 (Жаңыртылды: 14:00 15.03.2022)
Жазылуу
Жогорку лигада алты команда таймашат. Чүчү кулактын жыйынтыгы боюнча алар "А" жана "В" тобуна бөлүнгөн.
БИШКЕК, 17-мар. — Sputnik. Көк бөрү боюнча Нооруз майрамына арналган мелдештин жогорку лигасында бүгүн Манас Ниязов жаңы тобу "Ала-Тоо" менен мурда өзү ойногон "Достук" командасына каршы беттешке чыгат. Бул тууралуу аталган спорттун улуттук федерациясы Instagram баракчасына жазды.
Посмотреть эту публикацию в Instagram
Оюн бүгүн саат 12:45ке белгиленди.
Кечээ, 16-мартта, жогорку лигадагы командалардын арасында чүчү кулак тартылып, атаандаштар аныкталды. Жогорку лигада алты команда таймашат. Чүчү кулактын жыйынтыгы боюнча алар "А" жана "В" тобуна бөлүнгөн.
"А" тобу:
- "Ынтымак" (Талас);
- "Сары-Өзөн" (Чүй);
- "Жаш-Күч" (Ош).
"В" тобу:
- "Достук" (Ош);
- "Мурас" (Ысык-Көл);
- "Ала-Тоо" (Ош).
Жогорку лиганын тайпалык оюндары бүгүн башталат.
Саат 11:00дө "Сары-Өзөн" – "Жаш-Күч", 12:45те "Достук" – "Ала-Тоо" командаларынын беттештери болот. Оюндар Ысык-Көлдүн Чолпон-Ата шаарындагы ат майданында өтөт.
Нооруз майрамына карата мелдеш Болот Шерниязов, Болот Шамшиев, Темир Дүйшекеевдин жаркын элесине арналууда.
