Премьер-министр Араван районунун акимине сөгүш жарыялады
16:59 13.03.2021 (Жаңыртылды: 14:27 14.12.2021)
© Фото / Пресс-служба правительства / Алишер Алиев
Жазылуу
Өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.
БИШКЕК, 13-мар. — Sputnik. Премьер-министр Улукбек Марипов Араван районунун акимине сөгүш жарыялады. Бул тууралуу өкмөттүн маалымат кызматы кабарлады.
Билдирмеге караганда, өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.
1/3
© Фото / Пресс-служба правительства / Алишер Алиев
Премьер-министр Улукбек Марипов Араван районунун акимине сөгүш жарыялады.
2/3
© Фото / Пресс-служба правительства / Алишер Алиев
Өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.
3/3
© Фото / Пресс-служба правительства / Алишер Алиев
Анда жергиликтүү тургундардын бири турак үйлөрдүн айланасы таштандыга толуп калганын айтып, жергиликтүү бийлик органдары алардын арызын карабай жатканын кошумчалаган.
1/3
© Фото / Пресс-служба правительства / Алишер Алиев
Премьер-министр Улукбек Марипов Араван районунун акимине сөгүш жарыялады.
2/3
© Фото / Пресс-служба правительства / Алишер Алиев
Өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.
3/3
© Фото / Пресс-служба правительства / Алишер Алиев
Анда жергиликтүү тургундардын бири турак үйлөрдүн айланасы таштандыга толуп калганын айтып, жергиликтүү бийлик органдары алардын арызын карабай жатканын кошумчалаган.
Анда жергиликтүү тургундардын бири турак үйлөрдүн айланасы таштандыга толуп калганын айтып, жергиликтүү бийлик органдары алардын арызын карабай жатканын кошумчалаган.
Марипов көйгөйдүн бар экенине көзү жеткенден кийин Араван райондук акимине сөгүш жарыялаган.
"Эл жашаган аймакта, көчөдө таштандынын толуп калышына кантип жол бердиңер? Бул жакта эл жашап, балдар ойнойт. Алар таштандыдан чыккан жагымсыз жыт менен дем алышат. Аким жана башка жетекчилер кыймылдаш үчүн ушул үйлөрдө жашап көрүшү шарт. Таштандыны тазалап кетүү бир күндүк жумуш. Эмнеге ал маселе чечилбей жатат?" — деген өкмөт башчы.
Ал бир күндүн ичинде аймакты таштандыдан арылтуу тапшырмасын берген.
Улукбек Марипов азык-түлүктүн баасы менен таанышуу үчүн күтүүсүздөн борбордук базардын жанына токтоп, эл менен сүйлөшкөн.
"Азык-түлүк, мунай бизде эле эмес, дүйнө жүзүндө да кымбаттап жатат. Зарыл болгон тамак-ашты өзүбүз өндүрүп чыгарышыбыз зарыл. Импорттон көз каранды болбош үчүн өсүмдүк майын, кумшекерди өзүбүз чыгарганыбыз жакшы. Азыр биздин негизги максатыбыз — фермерлерди колдоо. Алар продукциялары менен ата мекендик рынокту толтурушу шарт. Күйүүчү май маселеси чечилди. Фермерлерге аны жетиштүү көлөмдө беребиз. Мындан сырткары, карбамидди өндүргөн завод куралы деген планыбыз бар", — деди Марипов.
Буга чейин премьер-министр аймактарга айттырбай бара турганын жар салган.
