https://sputnik.kg/20210312/kyrgyzstan-mma-mushkerler-nokaut-toptom-1051753843.html

Сулата тээп, жыга чапкан кыргызстандык ММА мушкерлеринин нокауттары

Сулата тээп, жыга чапкан кыргызстандык ММА мушкерлеринин нокауттары

Sputnik Кыргызстан

Соңку жылдары Кыргызстандын ММА мушкерлери атаандаштарын жыга чаап, сулата тээп бүк түшүргөн учурлар көп болду. Sputnik Кыргызстан ата мекендик мушкерлердин... 12.03.2021, Sputnik Кыргызстан

2021-03-12T18:37+0600

2021-03-12T18:37+0600

2021-12-14T14:27+0600

жаңылыктар

кыргызстан

дүйнөдө

спорт

мма

кыргызстандыктар

мушкер

нокаут

ufc

https://sputnik.kg/img/104462/65/1044626506_0:125:3240:1957_1920x0_80_0_0_17230b90e15dd84f665ef8a48860e745.jpg

Кыргызстандын ММА мушкери Немат Абдрашитов Brave CF уюмунун кечээ, 11-мартта, өткөн мелдешинде дебюттук таймашына чыгып, россиялык Анзор Абдулхожаевди нокаутка кетирип утту. Ал адегенде атаандашы мойнунан муунтууга алган кучагынан чыгып, өзүн ээк тушка уруп сулаткан.2020-жыл, 15-ноябрьРоссиянын Москва шаарында өткөн "Колизей ММА" уюмунун "Чемпиондордун беттеши 16" мелдешинде кыргызстандык мушкер Кудурет Талипов 16-секундунда бир сокку менен өзбекстандык Баходир Бахрамовду нокаутка кетирген.2021-жыл, 20-февральКыргызстандык ММА мушкери Алимардан Абдыкааров Россиянын Самара шаарында өткөн OPEN FC уюмунун гран-при мелдешинин чейрек финалында азербайжандык тажрыйбалуу атлет Эльнар Ибрагимовду жыга чаап уткан.Абдыкааровдун сол колдоп урган соккусунан атаандашы жерге кулаган. Бул учурда ал анын баш тушуна соккуларды жаадырып, калыстын кийлигишүүсү менен беттеш токтотулган. Эрежеге ылайык, Абдыкааров жарым финалда бразилиялык Матеус Сантос менен кездешет. Кармаштын күнү азырынча айтыла элек.2021-жыл, 7-мартКыргызстандык тай бокс чебери Шерзод Кабутов Muay Thai Super Champ мелдешиндеги таиланддык Жонгардам Цитнумнойду айланып ичке тээп нокаутка кетирген.Кыргызстандык мушкер үчүн бул беттеш аталган уюмдун алкагындагы бешинчи кармашы болду. Спортчу анын төртөөсүн утуп, бир жолу жеңилүү ызасын тарткан.2020-жылдын 13-декабрыАКШнын Лас-Вегас шаарында өткөн UFC 256 турниринде кыргызстандык мушкер Рафаэль Физиев бразилиялык Ренато Мойканону биринчи эле раундда нокаут менен жеңип алган.Физиев бетин коргоп алган атаандашын адегенде сол колдоп өпкө тушка, оң колу менен баш жагына урган. Коргонууда ачыла түшкөн Мойканонун бет тушуна сол колдоп кубаттуу сокку уруп, сулаткан. Физиев кулап, жерде жаткан атаандашын дагы сабап киргенде калыс кийлигишип, беттешти тезинен токтоткон.Физиев бул жеңиши менен дүйнөлүк абройлуу уюмдун алдыңкы мушкерлеринин катарына көтөрүлгөн.2020-жыл, 6-ноябрьКыргызстандык мушкер Кямран Аббасов Сингапур шаарында өткөн ONE Championship уюмунун жарым орто салмагындагы (77 килограмм) чемпиондук наамын коргоо үчүн дагы америкалык Жеймс Накашимини эсинен тандырып уткан. Үчүнчү раундда кыргызстандык мушкердин тизеси менен атаандашынын бет тушуна тепкени кармаштын тагдырын чечкен.Бул кармаш кыргызстандык мушкер үчүн чемпиондук наамын коргогон биринчи кармашы болду. Мушкер андан бери октагонго чыга элек.Аббасов аталган уюмдун 2019-жылдын 25-октябрында Индонезиянын Жакарта шаарында өткөн мелдешинде швециялык мушкер Себастьян Кадестанды утуп, чемпион болгон.2019-жыл, 8-июньАКШнын Чикаго шаарында өткөн UFC 238 мелдешинде кыргызстандык мушкер кыз Валентина Шевченко америкалык Жессика Айды башка тээп уткан.​Шевченко 2018-жылдын 9-декабрында польшалык Жоанна Енджейчикти утуп, алтын курга ээ болгон.Андан соң 2019-жылдын августунда Лиз Кармушту, 2020-жылдын февраль айында Кэтлин Чукагянды жана 2020-жылдын ноябрь айында Женнифер Майяны утуп, төртүнчү ирет чемпиондук наамын коргогон. Муну менен кыргызстандык мушкер кыз UFC уюмунун аялдар дивизионунун эң жеңил салмактагы чемпиону бойдон калып келет.

2021

Жаңылыктар

kg_KG

жаңылыктар, кыргызстан, дүйнөдө, спорт, мма, кыргызстандыктар, мушкер, нокаут, ufc