https://sputnik.kg/20210307/kyzdardyn-kyzhyry-kajnaganda-1051693506.html

Канчадасың, чырагым?.. Кыз-келиндин кыжырын кайнаткан 7 суроо

Канчадасың, чырагым?.. Кыз-келиндин кыжырын кайнаткан 7 суроо

Sputnik Кыргызстан

Бирөө менен таанышып калсаң дароо эле жашыңды сурайт. 25тен өтүп калганыңды айтсаң так секирип "кара далы болуп бараткансың го" деген сөздөр дарегиңе жаай... 07.03.2021, Sputnik Кыргызстан

2021-03-07T13:20+0600

2021-03-07T13:20+0600

2021-12-14T14:27+0600

коом

кыргызстан

кыз-келиндер

суроо

турмуш

бала

https://sputnik.kg/img/101711/51/1017115145_0:357:1080:967_1920x0_80_0_0_30c898ec4822a2b5e19a4325057359b9.jpg

Кыз-келиндерди ушул сыяктуу дагы кандай суроолор кыжырын кайнатып, "кан басымын көтөрүп" жиберет? Sputnik Кыргызстан агенттиги даярдаган материалдан окуңуз.Канчадасың? Бул кыз-келиндердин жанын кашайткан суроолордун алдыңкы сабында турат. Кокус жигиттерге жашың 25тен өткөнүн айта турган болсоң, "көптү көргөн" же "карышкыр" турбайбы деп ойлошу мүмкүн. Айрымдары "тарс" эле бетке айтып салышат. 30га чамалап же андан өйдө болсо так секиришет. Ал куракка чейин турмушка чыкпай жатканынын ар кандай себеби болушу мүмкүн да. Балким ал кыз буга чейин турмуш куруп ажырашып кеткендир же жакшы көргөн жигити менен жолу болбой кайгыда жүргөндүр. Анын үстүнө азыр заман башка. Баарын белендеп, окуп-чокугандан кийин турмушка чыкпаса кор болуп калышы ыктымал. Азыр билимдүү, үй-бүлө менен жумушту бирдей алып кеткен аялдар бааланып баратат. Күйөөсүнө, кайын журтка деле өзүнө тың кыздар жакса керек.Качан турмушка чыгасың? Бул суроону бойго жеткен кыздарга баары берет. Мектепти аяктаган жылы бул тема көп козголбойт. Анан бир-эки жыл өтүп, жашың 20дан өйдөлөй баштаса эле кичинесинен чоңуна чейин сурап кирет. "Күйөөгө тийбегиле!" деп үндөгөн жерибиз жок. Болгону турмушка чыга элек кыздарга бул суроону берип тажата бербегиле! Ал да "жакшы адамга турмушка чыгайын" деп карап, ойлонуп, байкап жүргөндүр. Күйөө деп эле колун сурап же кат жазган биринчи адамга кете берсе жашоо кандай болот? Ушул суроодон тажап, эптеп эле бир күйөөгө тийип алгандар да жок эмес. Бирок андайлардын аягы жакшы бүткөнү аз.Андан көрө "кайсы маалда турмушка чыкса да өзүңө жаккан, ишенимдүү адамды тапсын" деп тилейли...Качан төрөйсүң? Кыз бала турмушка чыккандан кийин эле кайын журту да, төркүнү да ичин аңдып отурушат. Бизде негизи бир айдан кийин "боюңда барбы, качан төрөйсүң?" деген суроого ар бир келин даяр болушу кажет. Ар бир аялзат балалуу болууну каалайт. Баланы ким жерисин? Балким боюнда болбой кыйналып жүргөндүр. Аны билбей, түшүнбөй келиндин жарасына туз сепкендер бар. Ошол себептен суроону өтө этияттап берүү керек. Боюнда болсо өздөрү сүйүнчүлөйт, айтат. Ага чейин чыдап тургула!Экинчисин качан анан? "Дарыгер ден соолугуңду калыбына келтирип, андан кийин төрө деди" десең болбой, "ал айта берет, удаа-удаа төрөп ал" деп медик болуп кетишет...Эмне толуп кеткенсиң? Бул аялдарга өтө катуу тие турган суроо. Силер айтпасаңар деле толуп баратканын өзү билет. Кокус оорудан улам семирип жаткандыр. Адамды жакындан билбегенден кийин олдоксон суроолорду берүү туура эмес. Ар бир суроонун, сөздүн, сунуштун жөнү болушу керек.Эмне жүдөп калгансың? Бул суроону көбүнчө турмушка чыккандан кийин беришет. Боёнбой калсаң эле жүдөгөн болуп эсептелеби? Албетте, баары кыз кездегидей болбойт. Күйөөгө тийип, балалуу болгон соң көп нерсеге жетишпей калышың ыктымал. Шиш таканын ордуна өзүң эле бала менен ыңгайлуу бут кийим кийгиң келип калат. Анан да "азыр эле келем да" деп дүкөнгө чыга калат эмеспизби. Дал ошол башыңды жуубай, боенбой, атам замандан берки курткаңды жонуңа сала калып чыккан маалда сөзсүз илгерки таанышыңа, классташыңа, курсташыңа, айтор, көптөн бери көрө элек адамга жолугуп айлаң кетет...Канча айлык аласың? Өтө деле жакын эмес адамдардын ушул суроосу жанды иренжитип жиберет. Менин тапкан акчам менен иштери канча? Билип алып эмне кылышат дейм да. Өздөрү деле эмне максат менен сурап жатканын билеринен күмөнүм бар, ай...P.S. Ар бир кыз, ар бир аял жаш курагына карабай бактылуу болууга акылуу!Автордун пикири редакциянын көз карашына дал келбеши мүмкүн.

https://sputnik.kg/20210228/kajnenin-kyzhyry-kajnaganda-1051619983.html

https://sputnik.kg/20190901/turmushka-kech-chykkan-kyzdar-kolumnistika-1045587549.html

2021

Жаңылыктар

kg_KG

коом, кыргызстан, кыз-келиндер, суроо, турмуш, бала