Инфографикада эл арасында кеңири колдонулган автокөлүктөрдүн жылдарынын баалары көргөзүлдү. Атайын мониторинг 2020-жылдын декабрь айынан баштап 2021-жылдын март айына чейин жүргүзүлүп, маалымат булактары катары autobaza.kg, cars.kg, turbo.kg жана mashina.kg сайттарындагы жарнамалар анализделди.
Окурмандарга ыңгайлуу болуш үчүн ар бир автоунаанын орточо наркы өлкөнүн Улуттук банкынын 2-марттагы расмий курсу менен (бир АКШ доллары 84,8 сом) көрсөтүлдү.
Эң көп сатылган алдыңкы он автоунаага төмөндөгүлөр кирди:
- Daewoo Matiz;
- Honda Fit;
- Lada 2107;
- Toyota IST;
- Hyundai Getz;
- Volkswagen Golf;
- Mazda Demio;
- Chevrolet Spark;
- Honda Civic;
- Toyota Prius.
Ал эми Toyota IST, Mazda Demio, Honda Civic өз баасынан 100-300 долларга чейин арзандаган. Аналитиктер баанын кескин көтөрүлүп же түшүп кетишин сатыкка чыккан автокөлүктөрдүн абалына же кожоюндарынын тез сатууга аракет кылгандыгы менен байланыштырууда.
