https://sputnik.kg/20210302/evropaga-sayasiy-zhaktan-y-gaysyz-vaktsina-kire-alaby-1051636088.html
Европага "саясий жактан ыңгайсыз вакцина" кире алабы? Күнгөй-тескейи
Европага "саясий жактан ыңгайсыз вакцина" кире алабы? Күнгөй-тескейи
Sputnik Кыргызстан
ЕБдин дипломатиялык жетекчилеринин селектордук жыйынында Ангела Меркель европалык мейкиндикке кирүүгө уруксат берүүчү эмдөө сертификатын киргизүү зарылдыгы... 02.03.2021, Sputnik Кыргызстан
2021-03-02T10:21+0600
2021-03-02T10:21+0600
2021-12-14T14:27+0600
видео
мультимедиа
дүйнөдө
саясат
вакцина
европа
эмдөө
коронавирус
пандемия
талаш
https://sputnik.kg/img/07e4/09/0a/1049578579_0:67:3013:1762_1920x0_80_0_0_7e613d0ac2ced6f280f7a85af01cd66f.jpg
Макулдук азырынча принципиалдуу гана маселе, долбоор ийне-жибине дейре талданып, үч айдан кийин сунушталат. Бул маселенин айланасындагы ой толгоо РИА Новости агенттигине жарыяланды.Анда көрсөтүлгөндөрдүн баары эмделген кишинин паспортуна да тиешелүү экени белгилүү. Баарынан да эмдөө тыюу салынган адамдар эмне болору түшүнүксүз. Утурумдук көрсөткүчтөр, мисалы, жакында эле коронавирустук инфекцияга кабылып, сакайгандардыкы го бир жөн.Башка инфекциялык илдеттер менен катар эле алар бир аз күтүп, кийин эмделе берсе болот. Бирок өнөкөт оорулар да бар эмеспи, алардан азап чеккендер эмне болот? Бирок иш муну менен чектелип калбайт. Азыр дүйнөдө вакцина арбын, дагы көбөйүп калышы ыктымал.Дал кайсы препарат менен эмдөө ЕБ сертификатын алууга укук берет? Евроатлантикалык Pfizer/BioNTech, Moderna, AstraZeneca үчтүгү бюрократиялык тоскоолдукка кабылбаса керек. Бирок Россия ("Спутник V" жана "ЭпиВакКорона") жана Кытай (Sinovac Biotech, CanSino Biologics, CNBG — Sinopharm) вакциналарын бул багытта татаал шарттар күтүшү мүмкүн.Алардын канчалык касиети болсо да, брюсселдик керектөөчүлөрдүн укуктарын коргоо тармагын көзөмөлдөө кызматы тарабынан расмий тастыктала элек. Болду-болбоду алар менен эмделген жарандар чек арадан өтүү үчүн сертификат ала албайт. Анткени "демократиялык эмес" вакцинанын пайдалуулугу же залалдыгы жөнүндөгү маселе медициналык гана тургай, саясий да болуп эсептелет. Ал эми ишке саясат аралашканда, башкача айтканда, "тоталитаризмдин башталышына каршы демократияны жайылтууда" жагдай "Түндүк агым — 2" долбоору сымал өңүт алат. Анда "Циклон-Бга" караганда орус көмүртеги жүз эсе кооптуу деп табышпадыбы.Жакында эле Еврокомиссиянын башчысы Урсула фон дер Ляйен: "COVID-19га каршы вакцина боюнча Россиянын стратегиясы таң калтырат. Эмнеге Россия өз калкын эмдөөдө жетишерлик деңгээлге жетпей туруп, башка өлкөлөргө миллиондогон ченемдерди сунуштоодо? Бул суроо жоопсуз калбоого тийиш", – деди. Жетиштүү прогресс эмне экенин айтыш кыйын. Европанын өзүндө андай деңгээлге жете электе европалык аткаминерлердин бул теманы көтөрүп чыкканы орундуубу? Болбосо Венгрия "Спутник" вакцинасын сатып алып, ал эми Чехия, Австрия, Италия бул туурасында ойлонмок эмес. Вакцина майнаптуу же натыйжасыз деп гана аныкталат. Кеп кандай жол менен болсо да россиялык вакцинаны жокко чыгаруу ниетинде. Атап айтканда, визалык сертификатты берүүгө аны менен эмдөө негиз боло албайт деп эсептешчүдөй.Албетте, баары Урсула жана анын пикирлештерине жараша болбойт. Кылдан кыйкым издеген андай топтун кызыкчылыктарынан сырткары да башкача ойдогу топтор жок эмес. Маселен, россиялыктардын кирешелери төмөндөп кеткени менен туризмди четке кага тургандай жакырлык деңгээлине кептелген жок. Ал эми европалык өлкөлөрдүн көпчүлүгүн (айталы, Италия, Франция, Греция ж.б.) илдет каптаганча туризм ИДПны он пайыздан он беш пайызга чейин толуктап, калктын кыйла бөлүгүн жумуш менен камсыздаган. Бул мамлекеттер ковидге чейинки убактын жана россиялык туристтердин акчаларынын кайтып келсе деп ак эткенден так этип турушат. Андыктан виза сертификациясы өңдүү узак мөөнөттүү саясат ар кыл күтүүсүз жагдайлар менен коштолушу ыктымал. Үч айдан кийин кайсы вакциналар виза алуучуларга шексиз негиз болуп берери курч талаштарга себеп болчудай...
https://sputnik.kg/20210301/zherdin-zhashoochularynyn-10-payyzynda-covid-19ga-kary-antitelo-bar-1051624770.html
https://sputnik.kg/20210226/rossiyanyn-dushmandary-sputnik-vden-nege-korkup-zhatat-1051603229.html
европа
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
видео, мультимедиа, дүйнөдө, саясат, вакцина, европа, эмдөө, коронавирус, пандемия, талаш, дүйнөгө жайылган коронавирус
видео, мультимедиа, дүйнөдө, саясат, вакцина, европа, эмдөө, коронавирус, пандемия, талаш, дүйнөгө жайылган коронавирус
Европага "саясий жактан ыңгайсыз вакцина" кире алабы? Күнгөй-тескейи
10:21 02.03.2021 (Жаңыртылды: 14:27 14.12.2021) ЕБдин дипломатиялык жетекчилеринин селектордук жыйынында Ангела Меркель европалык мейкиндикке кирүүгө уруксат берүүчү эмдөө сертификатын киргизүү зарылдыгы боюнча макулдашылганын билдирди.
Макулдук азырынча принципиалдуу гана маселе, долбоор ийне-жибине дейре талданып, үч айдан кийин сунушталат. Бул маселенин айланасындагы ой толгоо
РИА Новости агенттигине жарыяланды.
Анда көрсөтүлгөндөрдүн баары эмделген кишинин паспортуна да тиешелүү экени белгилүү. Баарынан да эмдөө тыюу салынган адамдар эмне болору түшүнүксүз. Утурумдук көрсөткүчтөр, мисалы, жакында эле коронавирустук инфекцияга кабылып, сакайгандардыкы го бир жөн.
Башка инфекциялык илдеттер менен катар эле алар бир аз күтүп, кийин эмделе берсе болот. Бирок өнөкөт оорулар да бар эмеспи, алардан азап чеккендер эмне болот? Бирок иш муну менен чектелип калбайт. Азыр дүйнөдө вакцина арбын, дагы көбөйүп калышы ыктымал.
1 Жалган Куран 2021, 09:50
Дал кайсы препарат менен эмдөө ЕБ сертификатын алууга укук берет? Евроатлантикалык Pfizer/BioNTech, Moderna, AstraZeneca үчтүгү бюрократиялык тоскоолдукка кабылбаса керек. Бирок Россия ("Спутник V" жана "ЭпиВакКорона") жана Кытай (Sinovac Biotech, CanSino Biologics, CNBG — Sinopharm) вакциналарын бул багытта татаал шарттар күтүшү мүмкүн.
Алардын канчалык касиети болсо да, брюсселдик керектөөчүлөрдүн укуктарын коргоо тармагын көзөмөлдөө кызматы тарабынан расмий тастыктала элек. Болду-болбоду алар менен эмделген жарандар чек арадан өтүү үчүн сертификат ала албайт. Анткени "демократиялык эмес" вакцинанын пайдалуулугу же залалдыгы жөнүндөгү маселе медициналык гана тургай, саясий да болуп эсептелет. Ал эми ишке саясат аралашканда, башкача айтканда, "тоталитаризмдин башталышына каршы демократияны жайылтууда" жагдай "Түндүк агым — 2" долбоору сымал өңүт алат. Анда "Циклон-Бга" караганда орус көмүртеги жүз эсе кооптуу деп табышпадыбы.
Жакында эле Еврокомиссиянын башчысы Урсула фон дер Ляйен: "COVID-19га каршы вакцина боюнча Россиянын стратегиясы таң калтырат. Эмнеге Россия өз калкын эмдөөдө жетишерлик деңгээлге жетпей туруп, башка өлкөлөргө миллиондогон ченемдерди сунуштоодо? Бул суроо жоопсуз калбоого тийиш", – деди. Жетиштүү прогресс эмне экенин айтыш кыйын. Европанын өзүндө андай деңгээлге жете электе европалык аткаминерлердин бул теманы көтөрүп чыкканы орундуубу? Болбосо Венгрия "Спутник" вакцинасын сатып алып, ал эми Чехия, Австрия, Италия бул туурасында ойлонмок эмес. Вакцина майнаптуу же натыйжасыз деп гана аныкталат. Кеп кандай жол менен болсо да россиялык вакцинаны жокко чыгаруу ниетинде. Атап айтканда, визалык сертификатты берүүгө аны менен эмдөө негиз боло албайт деп эсептешчүдөй.
26 Бирдин айы 2021, 18:13
Албетте, баары Урсула жана анын пикирлештерине жараша болбойт. Кылдан кыйкым издеген андай топтун кызыкчылыктарынан сырткары да башкача ойдогу топтор жок эмес. Маселен, россиялыктардын кирешелери төмөндөп кеткени менен туризмди четке кага тургандай жакырлык деңгээлине кептелген жок. Ал эми европалык өлкөлөрдүн көпчүлүгүн (айталы, Италия, Франция, Греция ж.б.) илдет каптаганча туризм ИДПны он пайыздан он беш пайызга чейин толуктап, калктын кыйла бөлүгүн жумуш менен камсыздаган. Бул мамлекеттер ковидге чейинки убактын жана россиялык туристтердин акчаларынын кайтып келсе деп ак эткенден так этип турушат. Андыктан виза сертификациясы өңдүү узак мөөнөттүү саясат ар кыл күтүүсүз жагдайлар менен коштолушу ыктымал. Үч айдан кийин кайсы вакциналар виза алуучуларга шексиз негиз болуп берери курч талаштарга себеп болчудай...
