https://sputnik.kg/20210222/kyrgyzstan-ipoteka-algachky-tolom-1051549288.html
Кыргызстанда ипотеканын баштапкы төлөм маселесин кантип чечсе болот. Варианттар
Кыргызстанда ипотеканын баштапкы төлөм маселесин кантип чечсе болот. Варианттар
Sputnik Кыргызстан
Ипотека алып жаткан жаран алгачкы төлөм катары жок дегенде үйдүн баасынын 10 пайызын төгүп бериши керек. 22.02.2021, Sputnik Кыргызстан
2021-02-22T20:01+0600
2021-02-22T20:01+0600
2021-12-15T22:50+0600
коом
кыргызстан
жаңылыктар
ипотекалык насыя
төлөм
https://sputnik.kg/img/07e5/02/16/1051547025_0:320:3073:2048_1920x0_80_0_0_6a98fb4071d7917ab350f49e2ef8b1db.jpg
Турак жай алуу — кыргызстандыктардын жашоодогу негизги максаттарынын бири. Дароо эле үй сатып алуу көпчүлүк үчүн мүмкүн болбогондуктан, ипотека алууга туура келет. Бирок алгачкы төлөмдү табуу да бир тобуна оңой-олтоң иш эмес. Sputnik Кыргызстан дал ушул төлөмдү табуу жолдорун издеп көрдү.Контракттык турак жай аманаттарыБул долбоорду Мамлекеттик ипотекалык компаниянын "Ак-Босого" туунду мекемеси ишке ашырат.Талаптары төмөнкүдөй:Компания жакында эле иштей баштагандыктан кредит берүү үч жылдан кийин башталат. Азырынча жарандардан жылдык чени үч пайыз менен депозиттер алынып жатат. Аманаттар Депозиттерди коргоо боюнча агенттик тарабынан корголот. Ал эми ипотеканы 6-9 пайыз менен берүү пландалууда.Башка күрөөМамлекеттик ипотекалык компаниянын алгачкы төлөм катары алына турган үйдүн баасынан 10 пайыздан кем эмес төлөнүшү керек деген талабы бар.Бирок бул компаниянын бир катар долбоорлорунда "алгачкы төлөм жок болсо, кошумча күрөө койсо болот" деп айтылган. Мекеменин маалымат кызматынан түшүндүрүшкөндөй, бул алгачкы төлөмгө баасы барабар болгон кыймылсыз мүлк болушу мүмкүн.Банктардагы атайын депозиттерЖогоркудай эле таризде иштейт. Бирок бул жерде мамлекеттик долбоорлор жок, банктар гана иш алып барат. Мисалы, айрым банктарда атайын ипотекалык депозиттер бар.Алгачкы төлөм катары жылдык чени 3-4 пайыз менен 2-3 жыл бою акча чогултасыз. Андан соң сизге төмөндөтүлгөн ставка менен (12-14 пайыз) ипотека берилет. Эсиңизде болсун, ставка кадимки коммерциялык ипотекага карата төмөндөтүлөт.Пенсиялык топтомдорСоциалдык фонд пенсиянын топтомо бөлүгүн ипотекага алгачкы төлөм катары бере алат. Бул үчүн өзүнүн турак жайы жок адамдын пенсиясынын топтомо бөлүгү 50 миң сомдон төмөн болбошу зарыл. Айта кетчү нерсе, бул эреже мамлекеттик ипотека үчүн гана иштейт.Каражатты алуу үчүн төмөнкү документтер керек:Белгилей кетсек, каражатты жаран колуна албайт. Ипотека берилери тууралуу документтер даяр болгондон кийин каражат банк көрсөткөн эсепке которулат. Топтолгон акчанын суммасын билүү үчүн Социалдык фондго кайрылуу керек.
https://sputnik.kg/20210220/kyrgyzstandagy-ehlektronduk-kapchyktar-1051528993.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
коом, кыргызстан, жаңылыктар, ипотекалык насыя, төлөм
коом, кыргызстан, жаңылыктар, ипотекалык насыя, төлөм
Кыргызстанда ипотеканын баштапкы төлөм маселесин кантип чечсе болот. Варианттар
20:01 22.02.2021 (Жаңыртылды: 22:50 15.12.2021) Ипотека алып жаткан жаран алгачкы төлөм катары жок дегенде үйдүн баасынын 10 пайызын төгүп бериши керек.
Турак жай алуу — кыргызстандыктардын жашоодогу негизги максаттарынын бири. Дароо эле үй сатып алуу көпчүлүк үчүн мүмкүн болбогондуктан, ипотека алууга туура келет. Бирок алгачкы төлөмдү табуу да бир тобуна оңой-олтоң иш эмес. Sputnik Кыргызстан дал ушул төлөмдү табуу жолдорун издеп көрдү.
Контракттык турак жай аманаттары
Бул долбоорду Мамлекеттик ипотекалык компаниянын "
Ак-Босого" туунду мекемеси ишке ашырат.
- Жаранга алгачкы төлөмдү чогултуу үчүн үч жылдан тарта 10 жылга чейин убакыт берилет (үй баасынын 50 пайызы);
- Кредит мөөнөтү — 20 жылга чейин, жылдарды эсептөө сатып алчу үйдүн жарым баасы чогулган учурдан тарта эсептелет. Кутулуу мөөнөтү акча чогулткан жылдардан эки эсе көп болушу мүмкүн. Башкача айтканда, алгачкы төлөмдү беш жыл чогултсаңыз, ипотеканын өзүн 10 жылда кутулуп бүтсөңүз болот;
- Жеткиликтүү, тагыраак айтканда, ипотеканын бул түрүн башка турак жайы бар адам деле ала алат (мамлекеттик ипотекада бул нерсеге тыюу салынган).
Компания жакында эле иштей баштагандыктан кредит берүү үч жылдан кийин башталат. Азырынча жарандардан жылдык чени үч пайыз менен депозиттер алынып жатат. Аманаттар Депозиттерди коргоо боюнча агенттик тарабынан корголот. Ал эми ипотеканы 6-9 пайыз менен берүү пландалууда.
Мамлекеттик ипотекалык компаниянын алгачкы төлөм катары алына турган үйдүн баасынан 10 пайыздан кем эмес төлөнүшү керек деген талабы бар.
Бирок бул компаниянын бир катар долбоорлорунда "алгачкы төлөм жок болсо, кошумча күрөө койсо болот" деп айтылган. Мекеменин маалымат кызматынан түшүндүрүшкөндөй, бул алгачкы төлөмгө баасы барабар болгон кыймылсыз мүлк болушу мүмкүн.
20 Бирдин айы 2021, 17:40
Банктардагы атайын депозиттер
Жогоркудай эле таризде иштейт. Бирок бул жерде мамлекеттик долбоорлор жок, банктар гана иш алып барат. Мисалы, айрым банктарда атайын ипотекалык депозиттер бар.
Алгачкы төлөм катары жылдык чени 3-4 пайыз менен 2-3 жыл бою акча чогултасыз. Андан соң сизге төмөндөтүлгөн ставка менен (12-14 пайыз) ипотека берилет. Эсиңизде болсун, ставка кадимки коммерциялык ипотекага карата төмөндөтүлөт.
Социалдык фонд пенсиянын топтомо бөлүгүн ипотекага алгачкы төлөм катары бере алат. Бул үчүн өзүнүн турак жайы жок адамдын пенсиясынын топтомо бөлүгү 50 миң сомдон төмөн болбошу зарыл. Айта кетчү нерсе, бул эреже мамлекеттик ипотека үчүн гана иштейт.
Каражатты алуу үчүн төмөнкү документтер керек:
- ипотекалык кредит боюнча алгачкы төлөмдү каржылоочу компаниянын арызы;
- жарандын ким экенин тастыктаган документтери.
Белгилей кетсек, каражатты жаран колуна албайт. Ипотека берилери тууралуу документтер даяр болгондон кийин каражат банк көрсөткөн эсепке которулат. Топтолгон акчанын суммасын билүү үчүн Социалдык фондго кайрылуу керек.
