https://sputnik.kg/20210203/ministrlerdin-zhash-kuragy-bilimi-1051326078.html

Улуусу 61, кичүүсү 34 жашта. Жаңы өкмөт мүчөлөрүнүн жаш курагы, билими

Улуусу 61, кичүүсү 34 жашта. Жаңы өкмөт мүчөлөрүнүн жаш курагы, билими

Sputnik Кыргызстан

Өкмөттүн жаңы курамы түзүлүп, аны Жогорку Кеңеш колдоп берди. Sputnik Кыргызстан маалымат агенттиги Улукбек Марипов баштаган министрлердин жаш курагы жана... 03.02.2021, Sputnik Кыргызстан

2021-02-03T19:01+0600

2021-02-03T19:01+0600

2021-12-14T14:27+0600

жаңылыктар

кыргызстан

саясат

өкмөт курамы

министр

билим

жаш курак

https://sputnik.kg/img/07e5/02/03/1051328772_0:0:3082:1734_1920x0_80_0_0_85a2ef7fd9cfa41b114e0198608a324a.jpg

Маалым болгондой, өкмөттүн жаңы курамында өтө деле жаштары жок. Эң кичүүсү — биринчи вице-премьер Артем Новиков. Быйыл 34 жашка чыгат. Калган бөлүгү орто жашап калгандар. Ал эми алган билими боюнча ар тармактын өкүлдөрү бар. Арасында экономист, юристтери көбүрөөк.Улукбек Марипов, премьер-министрЖаңы тандалган өкмөт башчы быйыл 42 жашка толот. Марипов эки окуу жайды бүтүргөн. Бири Оштогу техникалык университет, экинчиси Ош мамлекеттик университети. Ал финансы, кредит, юриспруденция адистигин аяктаган.Артем Новиков, биринчи вице-премьерӨкмөттөгү эң жаш кадрлардын бири Артем Новиков быйыл 34 жашка чыгат. Ал Балтика мамлекеттик техникалык университетин аяктаган. Кесиби — экономист-менеджер.Жеңиш Асанкулов, өкмөттүн аппарат жетекчиси (министр рангында)Өкмөттүн аппаратын жетектей турчу аткаминер быйыл 40 жашка чыгат. Ал Жусуп Баласагын атындагы Кыргыз улуттук университетинде, Кыргыз мамлекеттик юридикалык академиясында жана Президентке караштуу мамлекеттик башкаруу академиясында окуган. Кесиби — юрист.Улукбек Кармышаков, экономика жана финансы министри, вице-премьерБир нече агенттик жана министрликтердин милдети дал ушул адамга жүктөлдү. Кармышаков быйыл 58 жашка толот. Ал Фрунзе финансы-экономикалык техникумун жана Кыргыз мамлекеттик университетинин экономика факультетин артыкчылык диплому менен аяктаган. Мындан сырткары, бир нече чет өлкөлөрдө финансы маселелери боюнча окуу семинарларына катышкан. Кесиби — экономист.Руслан Казакбаев, тышкы иштер министриОрдун сактап калган Руслан Казакбаев 54 жашта.  1991-жылы Фрунзенин политехникалык институтун, 2002-жылы Кыргыз улуттук университетинин юридикалык факультетин, ал эми 2004-жылы Тышкы иштер министрлигинин алдындагы Дипломатиялык академияны аяктаган.Таалайбек Өмүралиев, коргоо министриКайрадан түзүлгөн Коргоо министрлигин жетектөө милдети Таалайбек Өмүралиевге жүктөлдү. Ал быйыл 56 жаштын чайын ичет.1982-1986-жылдары Маршал Конев атындагы Алматы жалпы аскердик командалык жогорку окуу жайында окуган. Мындан тышкары, РФ Куралдуу күчтөрүнүн Фрунзе атындагы жалпы аскер академиясын, Россиянын Генералдык штабынын аскер академиясын бүткөн.Аскар Жаныбеков, айыл, суу чарба жана региондорду өнүктүрүү министриАскар Жаныбеков 57 жашта. Ал Кыргыз айыл чарба институтунда агроном-мелиоратор адистиги боюнча билим алган. Мындан сырткары, Жусуп Баласагын атындагы КУУну юриспруденция, Касым Тыныстанов атындагы Ысык-Көл мамлекеттик университетинде ветеринар адистиги боюнча окуган.Кубанычбек Турдубаев, энергетика жана өнөр жай министриТурдубаев быйыл 49 жашка чыгат. Министр Исхак Раззаков атындагы университетти "электр станциялары" адистиги боюнча 2001-жылы аяктаган. Кийин "Кыргыз энерго" ишканасынын окуу борборунан "Электроэнергетикадагы жогорку жыштыктагы байланыш жабдуулары" курсунан өткөн. Андан соң Венгриянын Будапешт шаарында "Өткөөл экономика шартында энергетика тармагын жөнгө салуу" курсунда окуган.Улан Ниязбеков, ички иштер министриУлан Ниязбеков 46 жашта. Ал Жусуп Баласагын атындагы Кыргыз улуттук университетинин юридикалык факультетин аяктаган.Гүлмира Абдралиева, транспорт, архитектура жана коммуникациялар министриАбдралиева быйыл 49 жашка чыгат. Ал Исхак Раззаков атындагы Кыргыз мамлекеттик техникалык университетинин "Технология жана тигүү буюмдарын конструкциялоо" адистигин аяктаган.Бообек Ажикеев, өзгөчө кырдаалдар министриАжикеев 56 жашта. Эки жогорку билими бар. Бири — "инженер-куруучу", экинчиси — "бухгалтердик эсеп жана аудит".Асел Чынбаева, юстиция министри47 жаштагы Асел Чынбаева Жусуп Баласагын атындагы Кыргыз улуттук университетинде укук таануучу адистигин аяктаган. Кесиби — юрист, укук таануучу.Кайрат Иманалиев, маданият, маалымат, спорт жана жаштар саясаты министриКайрат Иманалиев 44 жашта. Ал үч окуу жайдан билим алган. Алгач Жусуп Баласагын атындагы Кыргыз улуттук университетинин журналистика факультетин бүтүрүп, кийин ушул эле окуу жайда магистратурада окуган. Президенттин алдындагы мамлекеттик башкаруу академиясын да аяктаган. Драматург.Алмазбек Бейшеналиев, билим берүү жана илим министриАлмазбек Бейшеналиев быйыл 40 жашка чыгат. Ал Нарын мамлекеттик университетинин филология факультетинен англис тили жана адабияты боюнча билим алган. Кийин Германияда немец тили боюнча курста окуган. Ушул эле мамлекетте PH-Ludwigsburg педагогикалык университетинде магистрлик даража ыйгарылган (дидактика жана англис тили). Бейшеналиев Ишеналы Арабаев атындагы Кыргыз мамлекеттик университетинде аспирантурада жана докторантурада окуган.Алымкадыр Бейшеналиев, саламаттык сактоо министриСаламаттык сактоо министри быйыл 61ге толот. Ал Кыргыз мамлекеттик медициналык институтунун "дарылоо иши" адистигин аяктаган. Андан соң ошол эле окуу жайдын клиникалык ординатурасында билим алган. 1989-жылы кандидаттык, 2000-жылы докторлук диссертациясын коргогон.Камчыбек Ташиев, Улуттук коопсуздук мамлекеттик комитетинин төрагасыТашиев быйыл 53 жаштын чайын ичүүдө. Атайын органдын төрагасы Томск мамлекеттик университетинин "инженер, химик-технолог" адистигин аяктаган. Кыргыз улуттук университетин да бүтүргөн.

2021

Жаңылыктар

kg_KG

жаңылыктар, кыргызстан, саясат, өкмөт курамы, министр, билим, жаш курак