https://sputnik.kg/20210130/sokuluk-zhygach-ustakana-majyptar-video-1051282138.html
Буюртмага муктажбыз! Сокулуктук майып усталардын өнөрү видеодо
Буюртмага муктажбыз! Сокулуктук майып усталардын өнөрү видеодо
Sputnik Кыргызстан
Сокулук районундагы Маданият үйүнүн жер төлөсүндө иштеген ден соолугунан мүмкүнчүлүгү чектелген жаштар учурда тактайдан үйгө керектүү түрдүү буюмдарды жасашат... 30.01.2021, Sputnik Кыргызстан
2021-01-30T13:34+0600
2021-01-30T13:34+0600
2021-12-16T13:58+0600
коом
кыргызстан
видео
мультимедиа
майыптар
уста
ишкана
https://sputnik.kg/img/07e5/01/1e/1051282228_10:0:1920:1080_1920x0_80_0_0_b1a3a15e0dbd9bb43d6f2e35bacf6916.jpg
Чакан ишканадагылардын басымдуу бөлүгү ар кыл топтогу майыптыгы бар адамдар. Ал жактагылардын көпчүлүгү кол куушуруп жөн отурбастан, суук жерде иштеп түрдүү буюртмаларды аткарып, тапкан акчасына үйлүү болcок дегенде эки көзү төрт.Ар кандай курактагы усталар кожойкелерге керектүү майда-барат оокаттардан баштап үй эмеректерине чейин жасашат. Бирок алар бир нече жумадан бери буюртманын жоктугунан толук кандуу иштей албай келүүдө.Цехте эмгектенгендердин бири 32 жаштагы Бакытбек Көккөзовдун айтымында, усталардын көпчүлүгү батир ижаралап же жакындарыныкында жашайт."Элден акча сурабай, цехте иштеп бала-бакырабызды багып жатабыз. Уюлдук телефон койгуч, отургуч, шкаф, ашкана эмеректеринин түрүн жасайбыз. Жумушта бири-бирибизге кол кабыш кылып, үйрөтүп турабыз. Буюрса ишибиз жылышып буюртма көп түшсө, үйлүү болуп алсак деген көптөн күткөн тилегибиз бар. Анткени бул жактагылардын көпчүлүгү акча төлөп батирде же жакындарыныкында жашайт, уул-кыздары да жок эмес", — деди Көккөзов.Жыгач усталар жасаган ишине жараша айына 5000 сомдон 10 миң сомго чейин айлык алат. Майыптардын айрымдарына ал каражат негизги киреше булагы болсо, дагы бири үчүн өзүн алаксытып коомго аралашуусуна түрткү болгон шарт.Чүй облустук жаш майыптар коомунун жетекчиси Эрнис Мыктыбек уулу турак жайлуу болгусу келген майыптар ашар жолу менен үй салып жаткандыгын да айтты."Цехте иштеген адамдар курулуш иштеринин ыгын билет, колдорунан көп нерсе келет. Буга чейин колунда бар бир адам бизге жер тилкесин берген. Өткөн жылы ал жерге өз күчүбүз менен жапа тырмак үй куруп, бир майып үй-бүлөнү киргиздик. Эми ошол эле ыкма менен дагы курулуш иштерин жасап мүмкүнчүлүгү чектелгендерди үйлүү кылалы деп максат коюп жатабыз. Себеби катарыбызда үй-жайы жоктор толтура. Ошондуктан чакан болсо дагы керектүү жер аянтын табуу зарыл болуп жатат", — деди ал.Аталган коомго Чүй облусундагы үч жаштан 75 жашка чейинки курактагы 1200гө жакын тургун кирет. Алардын басымдуу бөлүгү ишсиз отурат.
https://sputnik.kg/20210122/bishkek-marshrutka-ajdoochu-kireshe-video-1051196605.html
https://sputnik.kg/20210126/mayana-ala-albagan-zholchular-mitingge-chykty-1051230423.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
коом, кыргызстан, видео, мультимедиа, майыптар, уста, ишкана
коом, кыргызстан, видео, мультимедиа, майыптар, уста, ишкана
Буюртмага муктажбыз! Сокулуктук майып усталардын өнөрү видеодо
13:34 30.01.2021 (Жаңыртылды: 13:58 16.12.2021) Сокулук районундагы Маданият үйүнүн жер төлөсүндө иштеген ден соолугунан мүмкүнчүлүгү чектелген жаштар учурда тактайдан үйгө керектүү түрдүү буюмдарды жасашат. Sputnik Кыргызстан агенттигинин кабарчысы алардын ишмердүүлүгү менен таанышып келди.
Чакан ишканадагылардын басымдуу бөлүгү ар кыл топтогу майыптыгы бар адамдар. Ал жактагылардын көпчүлүгү кол куушуруп жөн отурбастан, суук жерде иштеп түрдүү буюртмаларды аткарып, тапкан акчасына үйлүү болcок дегенде эки көзү төрт.
Ар кандай курактагы усталар кожойкелерге керектүү майда-барат оокаттардан баштап үй эмеректерине чейин жасашат. Бирок алар бир нече жумадан бери буюртманын жоктугунан толук кандуу иштей албай келүүдө.
Цехте эмгектенгендердин бири 32 жаштагы Бакытбек Көккөзовдун айтымында, усталардын көпчүлүгү батир ижаралап же жакындарыныкында жашайт.
"Элден акча сурабай, цехте иштеп бала-бакырабызды багып жатабыз. Уюлдук телефон койгуч, отургуч, шкаф, ашкана эмеректеринин түрүн жасайбыз. Жумушта бири-бирибизге кол кабыш кылып, үйрөтүп турабыз. Буюрса ишибиз жылышып буюртма көп түшсө, үйлүү болуп алсак деген көптөн күткөн тилегибиз бар. Анткени бул жактагылардын көпчүлүгү акча төлөп батирде же жакындарыныкында жашайт, уул-кыздары да жок эмес", — деди Көккөзов.
Жыгач усталар жасаган ишине жараша айына 5000 сомдон 10 миң сомго чейин айлык алат. Майыптардын айрымдарына ал каражат негизги киреше булагы болсо, дагы бири үчүн өзүн алаксытып коомго аралашуусуна түрткү болгон шарт.
Чүй облустук жаш майыптар коомунун жетекчиси Эрнис Мыктыбек уулу турак жайлуу болгусу келген майыптар ашар жолу менен үй салып жаткандыгын да айтты.
"Цехте иштеген адамдар курулуш иштеринин ыгын билет, колдорунан көп нерсе келет. Буга чейин колунда бар бир адам бизге жер тилкесин берген. Өткөн жылы ал жерге өз күчүбүз менен жапа тырмак үй куруп, бир майып үй-бүлөнү киргиздик. Эми ошол эле ыкма менен дагы курулуш иштерин жасап мүмкүнчүлүгү чектелгендерди үйлүү кылалы деп максат коюп жатабыз. Себеби катарыбызда үй-жайы жоктор толтура. Ошондуктан чакан болсо дагы керектүү жер аянтын табуу зарыл болуп жатат", — деди ал.
Аталган коомго Чүй облусундагы үч жаштан 75 жашка чейинки курактагы 1200гө жакын тургун кирет. Алардын басымдуу бөлүгү ишсиз отурат.
