Кыргызстан Бишкекте "ЕБ — БА" форумунун штаб-квартирасын ачууну сунуштады
13:48 30.01.2021 (Жаңыртылды: 22:49 15.12.2021)
© Пресс-служба правительства / Алишер Алиев
Жазылуу
Форум 2021-жылдын июль айында Бишкек шаарында өтүп, ага Борбор Азия өлкөлөрүнүн премьер-министрлери жана европалык институттардын жетекчилери катышат.
БИШКЕК, 30-янв. — Sputnik. Кыргызстан "Европа биримдиги — Борбордук Азия" экономикалык форумунун ("ЕБ — БА") жыйынтыктоочу резолюциясында аталган форумдун штаб-квартирасы Бишкекте орун алган катчылыгы ачылат деп ишеним артууда. Бул тууралуу вице-премьердин милдетин аткаруучу Равшанбек Сабиров Европа биримдигинин Борбордук Азия боюнча атайын өкүлү Петер Буриан менен жолукканда айтты.
Өкмөттүн маалымат кызматынан билдиришкендей, форум 2021-жылдын июль айында Бишкек шаарында өтүп, ага Борбор Азия өлкөлөрүнүн премьер-министрлери жана европалык институттардын жетекчилери катышат. Ошондой эле Борбор Азия мамлекеттери менен ЕБдин бизнес өкүлдөрү келери күтүлүп жатат.
Вице-премьердин милдетин аткаруучу Равшанбек Сабиров (оң жакта)
© Пресс-служба правительства / Алишер Алиев
"Кыргыз тарап "Европа биримдиги — Борбордук Азия" экономикалык форумунун жыйынтыктоочу резолюциясында аталган форумдун штаб-квартирасы Бишкекте ачылат деп ишеним артууда. Катчылык Борбор Азия менен ЕБдин ар кайсы шаарларында жыл сайын өтчү форумдарды уюштуруу менен алектенет. Бул сунушубуз өнөктөш өлкөлөрдөн колдоо табат деп ишенебиз", — деди Сабиров.
Ошондой эле вице-премьер Кыргызстанда форумду уюштуруу боюнча атайын комитет түзүлгөнүн билдирди.
Буриан өз кезегинде Европа биримдиги менен Кыргызстандын артыкчылыктуу багыттары окшош экенине токтолду.
Европа биримдигинин Борбордук Азия боюнча атайын өкүлү Петер Буриан
© Пресс-служба правительства / Алишер Алиев
"Жашыл экономика" жана санариптештирүү жаатында багыттарыбыз бир экен. Келечекте мен укук үстөмдүүлүгү, адам ресурстары, билим берүү, тарбия, гендердик теңчиликти өнүктүрүү боюнча адистерди даярдоо жаатында иштешүүнү сунуш кылам", — деди Буриан.
Мындан тышкары, ал форум регионалдык деңгээлдеги долбоорлорду ишке ашыруу боюнча диалог куруунун эң жакшы аянтчасы болуп каларын кошумчалады.
