Илон Маск 188 млрд. долларлык байлыгын сатып Марска шаар курууну пландоодо

© REUTERS / Patrick T. Fallon / File PhotoSpaceX жана Tesla компанияларынын башчысы Илон Маск. Архив
SpaceX жана Tesla компанияларынын башчысы Илон Маск. Архив - Sputnik Кыргызстан
Жазылуу
Маск кадимкидей эле үйү жок каларын айткан. Маалым болгондой, былтыр ал кымбат бааланган бир нече мүлкүн саткан.
БИШКЕК, 10-янв. — Sputnik. Илон Маск Марска автономдук шаар куруу үчүн байлыгын бүт сата турганын Business Insider басылмасына маек куруп жатып айтканын РИА Новости кабарлады.
"Компания акцияларын эсепке албаганда, менде каржы жаатына байланышкан бир дагы байлык калбайт", — деген ал.
Маск түз мааниде үйү жок каларын айткан. Маалым болгондой, былтыркы жылы ал кымбат бааланган бир нече мүлктөрүн саткан.
"Адамзат үчүн космостук цивилизацияга жана планеталар аралык түргө айлануу маанилүү деп эсептейм. Ошондой эле Марста шаар курууга бир топ ресурс талап кылынат", — деген Маск.
Взрыв космического корабля Илона Маска попал на видео - Sputnik Кыргызстан
Илон Масктын кемеси сыноо учурунда жарылып кетти. Видео
Миллиардердин айтымында, Марска шаар салам деп жаткан пландарына байлыгын толугу менен сатканы далил болот. Өткөн жылдын декабрь айында ал жакынкы алты жылдын ичинде аталган планетага адам жибере турганын айткан.
Жакында эле Bloomberg агенттиги Илон Маск дүйнөдөгү эң бай адамдардын рейтингинен Жефф Безостон ашып кеткенин кабарлаган. Анын байлыгы 188,5 миллиард долларды түзгөн. Акыркы бир жыл ичинде Масктын байлыгы 150 миллиард долларга өскөн. Анын электромобилдерди жана ага тиешелүү жабдууларды өндүргөн Tesla Motors компаниясы 2003-жылы негизделгени маалым.
Жаңылыктар түрмөгү
0