Радиостудия Sputnik Кыргызстан в Бишкеке - Sputnik Кыргызстан
Радио

Ишекеев: борбордук аппараттар иш кагаздарын кыргыз тилинде жүргүзбөй жатат

© Sputnik / Табылды КадырбековПредседатель Национальной комиссии по государственному языку при Президенте КР Назаркул Ишекеев
Председатель Национальной комиссии по государственному языку при Президенте КР Назаркул Ишекеев - Sputnik Кыргызстан
Жазылуу
Мамлекеттик тил боюнча улуттук комиссиянын төрагасы Назаркул Ишекеев КРдеги бардык мамлекеттик жана муниципалдык мекемелердин иш кагаздарынын 35 пайызы гана мамлекеттик тилде жүрөрүн айтты.
Ишекеев: борбордук аппараттар иш кагаздарын кыргыз тилинде жүргүзбөй жатат

"Кыргызтест" мамлекеттик ишканасын түзүү аркылуу бардык мамлекеттик кызматкерлерди кыргыз тилин билүү деңгээли сертификат менен аныкталып калды. Бул тууралуу Назаркул Ишекеев Sputnik Кыргызстан радиосунун эфиринде маек куруп жатып билдирди.

Анын айтымында, 2019-жылы бардык мамлекеттик жана муниципалдык кызматкерлер А1 деңгээлиндеги сертификат алышкан.

"Президенттин 2014-жылдын 2-июнундагы №119 жарлыгы менен КРдин мамлекеттик тилин өнүктүрүүнүн саясатын аныктаган улуттук программа кабыл алынган. Ал улуттук программада 160 иш-чара белгиленген. Өкмөттүн токтому менен индикатор бекитилген. Анын дээрлик басымдуу бөлүгү аткарылды. Быйыл 2014-2020 Улуттук программасы аяктап жатат. Иштин жүрүшүндө олуттуу көп жумуш аткарылды. Алардын эң башкысы — 2018-жылдан тартып өкмөттүн чечимине ылайык бардык мамлекеттик жана муниципалдык кызматкерлер мамлекеттик тилди билүү деңгээлине жараша сертификат алышты. Быйыл А2, ал эми 2022-жылы мамкызматкерлер В2 деңгээлиндеги сертификат алышы керек. Эгер бул сертификат жок болсо, алардын кызмат абалы жөнүндө маселе каралат. Максаты — иш-кагаздарынын сандык жана сапаттык деңгээлин көтөрүү. Мисалы, жүргүзүлгөн мониторингдин натыйжасында өлкөдөгү бардык мамлекеттик жана муниципалдык кызмат чөйрөсүндөгү иш кагаздары 35 пайыз гана мамлекеттик тилде жүрүп жатканы аныкталды", — деди Ишекеев.

Ошондой эле жетекчи мамлекеттик жана муниципалдык кызматкерлер кыргыз тилинде эркин жазып жана сүйлөй алышы керектигин кошумчалады.

Жаңылыктар түрмөгү
0