БИШКЕК, 26-дек. — Sputnik. Ушул жылдын он айында Кыргызстан 10 тонна 556 килограмм күмүш экспорттоду. Бул тууралуу Улуттук статистика комитети билдирди.
Баалуу металлдын 220 килограммы Түркияга, калганы Швейцарияга сатылган. Алар жалпысынан 6,3 миллион долларга бааланды.
Өткөн жылдын январь-октябрь айларында КР дээрлик 6,2 тонна күмүштү 3,1 миллион доллардан ашык акчага саткан. Аны жогорудагы өлкөлөр жана Улуу Британия сатып алган.
