БИШКЕК, 24-дек. — Sputnik. Жалал-Абад шаарындагы Курманбек жана Абдырахманов көчөлөрүндө жайгашкан автоунаа базары көчүрүлөт. Бул тууралуу калаа мэриясынын маалымат кызматы кабарлады.
Шаар мэри Эрнисбек Ормоков иштеп жаткан унаа базарын жана жаңы пландалып жаткан жерди көрүп чыккан. Билдирүүгө ылайык, жол тыгынын алдын алуу максатында унаа базарын Спутник кичи шаарчасына жылдыруу пландалууда. Учурда бул багытта тийиштүү аракеттер жүрүп, калаа башчысы тапшырмаларды берген.
